Mosyen MA63 ti dikemendar negika hak Sarawak, ku Abang Johari - Berita Iban Online

Header Ads

  • Baru Nyadi

    Mosyen MA63 ti dikemendar negika hak Sarawak, ku Abang Johari

    Datuk Patinggi Abang Johari Tun Openg
    KUCHING: Mosyen Sempekat Malaysia 1963 (MA63) ti dikemendar ba Aum Kunsil Nengeri (DUN) ensanus ungkup tuju negika hak Sarawak.

    Kelimpah ari nya ku Kepala Menteri Datuk Patinggi Abang Johari Tun Openg, mosyen mega dikena minta agih belanja ke patut ari Perintah Besai ungkup Sarawak nengah MA63.

    “Bisi kebuah ke nyengala kitai mai mosyen MA63 ba aum DUN serak tu.

    “Mosyen nyadi sebengkah proses kitai mulaika kuasa ke patut dikembuan Sarawak.

    “Tang bisi mega sekeda pekara ba sentang konstitusyen ti patut dikerandau enggau Perintah Besai,”ku iya.

    Abang Johari mansutka jaku nya lebuh dikerandau ba Hari Ketiga Aum DUN Kedua ungkup Penggal Kedua ditu, kemari.

    Iya nambah, jemah ila Sarawak dekaka mayuh agi agih belanja ari Perintah Besai.

    “Kitai semina dekaka hak kitai aja. Aku ngasai nadai kurang nadai lebih agi ari nya,”ku Abang Johari.

    Mosyen MA63 dibantaika Sapit Kepala Menteri Datuk Amar Douglas Uggah sereta disukung seiku agi Sapit Kepala Menteri Tan Sri Datuk Amar James Masing.

    Lebuh mantaika mosyen nya, Uggah madahka Menteri Besai Datuk Seri Najib Tun Razak maya ngintu Hari Malaysia 16 September 2017 di Kota Kinabalu madah hak Sabah enggau Sarawak bekaul enggau MA63 deka terus dijaga.

    Ku iya, jamin nya ukai semina retorik politik ke alai Perintah Besai meri timbal positif ngagai inisiatif Sarawak ngambi pulai baru hak nengah MA63. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads