MPC deka ngepunka ’Program Pengiktirafan’ berengkah taun 2018 - Berita Iban Online

Header Ads

  • Baru Nyadi

    MPC deka ngepunka ’Program Pengiktirafan’ berengkah taun 2018

    MENDING: Tengku Azmi (duduk kanan) mendingka Licha Inisiatif Baru ‘Program Pengiktirafan’ ari Suffian di Kuching kemari.
    KUCHING: Malaysian Productivity Corporation (MPC) deka ngepunka inisiatif baru ‘Program Pengiktirafan’ berengkah taun 2018.

    Direktor MPC Sarawak Tengku Azmi Tengku Majid madah inisiatif nya seraris enggau pengawa ngelanchar Malaysia Productivity Blueprint (MPB) 2017.

    MPB 2017 ku Tengku Azmi diatur enggau tuju ngangkatka produktiviti menua lalu udah dilanchar Menteri Besai Datuk Seri Naib Tun Razak ba bulan Mei 2017.

    “Inisiatif baru ‘Program Pengiktirafan’ tu lebih holistik lalu mungkur pengawa ngakun organisasyen sereta orang seseiku ti bisi kaul enggau inisiatif ngangkatka produktiviti,” ku iya.

    Tengku Azmi mansutka jaku nya rambau Licha Insiatif Baru Program Pengiktirafan ke diatur di Indu Opis MPC Sarawak ditu, kemari.

    Program sehari nya digulu 85 iku orang ti ngarika mayuh bengkah ejensi perintah enggau peribit.

    Tengku Azmi nambah insiatif ngangkatka produktiviti mungkur atur ngakun ‘Amalan Persekitaran Berkualiti’(QE/5S), Pengurusan Lean, Setipikit ‘Team Excellent’(ICC), Kaizen, Pemujur Dagang, “Productivity Linked Wage System(PLWS),Asil Produktiviti enggau “Amalan baik Peraturan’(GRP Technical Expert).

    “Penyampau kita(85 iku penyereta) ti ngulu licha sehari tu mandangka MPC dipebasa nyadi sebengkah ejensi ti ulih nyaup nempa pemujur ba tetiap organisasyen sereta orang seseiku.

    “MPC Sarawak nyendia mayuh program ungkup pemaik semua,” ku iya nandu.

    Licha kemari dikenatai pemesai ari Indu Opis MPC Kuala Lumpur, Muhammad Suffian. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads