MRP seruran diagih berenggat mantu rayat di mengeri enggau menua pesisir - Berita Iban Online

Header Ads

  • Baru Nyadi

    MRP seruran diagih berenggat mantu rayat di mengeri enggau menua pesisir

    Datu Penguang Manggil
    MIRI: Geran Projek Mit Pemansang Menua Pesisir (MRP) deka seruran diagihka berenggat laban iya chara perintah mantu rayat di mengeri enggau menua pesisir.

    Menteri Muda Kaunsil Kandang Menua, Datu Penguang Manggil madahka perintah ngagihka MRP dikena mantu sida bejalaika aktiviti enggau ngemansangka projek ti mit.

    “Perintah seruran mantu rayat nadai ngira bansa bantu dikena nentuka nadai rayat sekalika di mengeri tauka menua pesisir tinggal ari pemansang,” ku iya.

    Penguang nyuaka MRP sepenyampau RM115,000 ngagai 5 buah Komiti Pemansang enggau Pengelikun Genturung Pendiau (JKKK) di Beluru Bakong.

    JKKK nya nyengkaum Rumah Pengabang Janang (RM25, 000), Rumah Niga Nyayong (RM50,000), Rumah Sabelas (RM20,000), Rumah Edward Usah (RM10,000) sereta Rumah Wat Sungai Peking (RM10,000).

    Kelimpah ari nya, Unit Jalai Pengarap Bukai Perintah Nengeri mega bisi ngagaihka MRP ngagai Gerija Sidang Injil Borneo (BEM) Sungai Nat (RM30,000) enggau BEM Rumah Juliana Esah (RM150,000).

    MRP udah disua rambau atur Pengawa Nasih Tanah Projek Bekal Ai Menua Pesisir (BALB) Pelilih Beluru di Rumah Pengabang Janang, Bakong, Hari Enam tu tadi.

    Pengawa nya udah dipenyadika Menteri Bekal Ai enggau Elekterik Menua Pesisir Sarawak, Dato Sri Strephen Rundi Utom ke mega Kaban Kunsil Nengeri (ADUN) Kemena.

    “Geran MRP deka seruran diagih enggau chara berenggat laban endang udah juluk perintah mantu rayat kelebih agi di kandang menua pesisir.

    “Sida ti nerima geran tu mega dikearap ngena belanja tu memanah pulaika pemaik rayat,” ku iya ke mega ADUN Marudi.

    Pia mega ku iya, endang udah juluk perintah, besai enggau nengeri, nentuka peranak menua pesisir enda dikelaung ari pemansang.

    Iya nyemetak madah program transformasyen menua pesusur deka seruran nyadi agenda besai perintah lalu sukung ari bala ketuai di menua endang beguna endar ngambika program nya ulih dipejalai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads