Nadai tingki, surat pengada patut diputar sebedau bulan 9 taun tu, ku Ahmad Zahid - Berita Iban Online

Header Ads

  • Baru Nyadi

    Nadai tingki, surat pengada patut diputar sebedau bulan 9 taun tu, ku Ahmad Zahid

    Datuk Seri Dr Ahmad Zahid Hamidi 
    KUCHING: Bisi sekeda peranak menua tu bedau teputarka penanggul tingki enggau surat pengada, enda tau enda diputar sebedau September 2018.

    Sapit Menteri Besai Datuk Seri Ahmad Zahid Hamidi madah enti bisi peranak Sarawak ke bedau ngembuan tingki enggau surat pengada, iya udah ngasuh Sapit Menteri Dalam Nengeri Datuk Masir Kujat begulai enggau Direktor Opis Pengerijista Pengada enggau Pemati, Sarawak (JPNS) ngemutarka penanggul tu, taja pan udah 1 Disember taun tu.

    "Perintah bisi pemerat, pekara tu enda tau enda di diputar abis laun bulan September 2018," ku Ahmad Zahid.

    Iya madah munyi nya ba aum media pengudah abis pengawa meri basa ngagai Sapit Menteri Besai ulih raban polis sereta betemu enggau raban pemesai polis di Mess Pegawai, Indu Opis Polis Diraja Malaysia, Kontinjen Kuching (IPK) ditu, ngalih hari tu tadi.

    Ahmad Zahid bisi di Kuching dalam penemuai iya gawa sehari di Bandaraya Kuching.

    Ku iya, Perintah betatika pemerat mutarka penanggul nya, laban kes bansa tu udah kelalu lama endar enda diputar enggau jampat.

    "Kes tu udah kelalu panjai ngujungka bala nembiak ke patut bisi pengelala ada di Sarawak tang nadai dokumen enda ulih nampung pelajar tauka ngiga pengawa laban nadai dokumen pengelala.

    "Aku pechaya YAB Kepala Menteri udah ngasuh Dato Sri Fatimah Abdullah (Menteri Pengelantang Pendiau, Orang Indu, Komuniti, Ruang Bilik enggau Pemansang Anak Mit) nyengkaum sapit aku (Masir) sama beratika pekara tu lalu madah ngagai aku pasal pemansang tu," ku iya.

    Ahmad Zahid ti mega mangku pengawa nyadi Menteri Dalam Menua madahka bisi peminta ngulihka dokumen tu udah abis di pansik sereta di peresa, sereta mujur bulih dokumen tu, enda tau enda dikemutarka sebedau 1 Disember taun tu, ku iya.

    "Aku udah madah ngagai Direktor JPNS, iya nya ngasuh pengereja pengawa ungkup kes baka tu (petugas khas) ngemutarka penanggul tu.

    "Lalu baka nya mega, 'petugas khas' baruh Datuk Joseph Entulu (Menteri di Opis Menteri Besai) udah bejalaika pengawa sida iya netapka komuniti Iban di genturung pendiau di menua pesisir enggau Penan ke lalu bedau bulih tingki, mutarka penanggul tu enggau jampat," ku iya.

    Sama bisi enggau ngulu aum media nya kemari, Sapit Kepala Menteri Datuk Amar Douglas Uggah anak Embas.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads