Ngarapka Malaysia dalam 20 menua kuasa ekonomi dunya ba taun 2050 - Berita Iban Online

Header Ads

  • Baru Nyadi

    Ngarapka Malaysia dalam 20 menua kuasa ekonomi dunya ba taun 2050

    Datuk Seri Najib Tun Razak
    Najib pechaya juluk nya ulih dijapai bepelasarka penegap ekonomi menua, kelimpah disukung mayuh bengkah inisiatif pemansang, MDP.

    KUCHING: Malaysia dikearapka ulih dalam tumpuk 20 menua kuasa ekonomi dunya lebuh manggai ba taun 2050.

    Menteri Besai Datuk Seri Najib Tun Razak madahka diri bisi pengarap ba nya, bepelasarka penyulut penegap ekonomi menua, kelimpah ari disukung mayuh inisiatif pemansang ti ditumbuhka perintah nyengkaum Polisi Digital Malaysia (MDP).

    “MDP siti langkar asil penemu ti nyadi pelasar pemansang ekonomi digital menua dikena ngamatka juluk kitai nyadi entara 20 menua kuasa ekonomi digital lebuh manggai ba taun 2050,”ku iya.

    Najib bejaku munyi nya lebuh ti bejaku ba pengerami bejadika Forum Ekonomi Islam Dunia (WIEF) Ke-13 ba BCCK, ditu kemari.

    Iya madahka polisi nya ulih mai penyungkak abis nadai 20 peratus ngagai Pemansut Kasar Dalam Menua  (KDNK) lebuh manggai ba taun 2020.

    Berambaika jaku ‘Perubahan Gangguan: Kesan dan Cabaran’, forum nya sama bisi digulu Kepala Menteri Datuk Patinggi Abang Johari Tun Abang Openg enggau Chairman Yayasan wife, Tun Musa Hitam.

    Kelimpah ari nya Najib, madahka Malaysia bulih penuduk keterubah dalam Petunjuk Ekonomi Global Islam ari 73 buah menua di serata dunya kelimpah ari ulih ngalahka menua Emiriyah Arab Bersatu ti ba penuduk kedua lalu bulih poin 50 peratus lebih tinggi.

    Petunjuk nya sebagi ari ripot Gaya Ekonomi Islamik Global 2016/2017 ti dikeluarka Thomson Reuters.

    “Dalam ripot nya nyebut ekonomi Islamik, ti nyerangkung pemakai halal, wang islamik,dagang temuai halal, fesyen umbas iya, rekreasyen enggau media halal, farmaseutikal enggau kosmetik halal, dipelaba manggai RM12.4 trillion lebuh manggai ba taun 2021,” ku iya.

    Berebak enggau tu, Najib meri langgur penemu ngambika menua Malaysia, Brunei enggau Indonesia ngangkatka agi kerejasama ba pengawa ngelakuka ekonomi gadung nyengkaum nyaga jelu siga.

    “Kitai (Malaysia) gaga ngatur aum ke lebih muntang udah tu pasal perambu tu dalam langkar forum ti senipak enggau lalu mungkur menua ti bekaul.

    “Aku arap bendar pengeran kolektif kitai deka dipuji di dalam menua enggau raban bansa antarabansa laban nya dipelabaka ulih nyemelaka pemansang ke diatu kelimpah ari nyaga rampa menua ti tegap ungkup rebak jemah ila,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads