Pandangka pengelurus ba kes tanah NCR - Berita Iban Online

Header Ads

  • Baru Nyadi

    Pandangka pengelurus ba kes tanah NCR

    Datuk Amar Douglas Uggah
    Enti perintah amat bebasa ngaku tanah NCR, sida enda patut ngapil ba kes ke alah ba kort.

    KUCHING: Sapit Kepala Menteri Datuk Amar Douglas Uggah ke ngemata pekara ke bekaul enggai isu tanah engka udah diasuh ngamatka jaku dia perintah enda kala ngerampas tanah rayat, ku Chairman Parti Keadilan Rakyat (PKR) Baru Bian.

    Baru madah ba penemu bansa asal, beribu ekar tanah NCR udah dirampas tauka deka dirampas perintah.

    Beambi chunto kes tanah Nor Nyawai, Baru madah konsep pemakai menua enggau pulau galau diaku ngembuan ‘the force of law’.

    “Reti nya konsep tanah bansa asal tu diterima ba undang-undang lalu dititih ba tetiap kes tanah NCR di Sarawak.

    “Pemutus ba kes Nor Nyawai mega dititih ba kes Madeli Salleh di Kort Federal,”ku Baru nengah surat penerang berita kemari.

    Baru ke mega ADUN Ba Kelalan nambah konsep pemakai menua enggau pulau galau udah dikena ba lebih 15 kes pengudah pemutus kort ba kes Madeli Salleh.

    “Kitai enda ulih madah dia semua akim ti mendingka semua kes tu enda meretika undang-undang tauka enda meretika kes Nor Nyawai sereta pemutus Kort Federal ba kes Madeli Salleh.

    “Semua pemutus pechara (ke udah menang) ti nitihka kes Nor Nyawai enggau Madeli Salleh deka diapil perintah tang udah nya   sida madah meri basa sereta ngaku tanah NCR ke diempu bansa asal sarawak.

    “Enti amat sida meri basa sereta ngaku tanah NCR bansa asal Sarawak, sida patut mandangka pengelurus lalu enda ngapil,”ku Baru.

    Ku Baru, Perintah Nengeri nengah Luyar Besai Nengeri (SAG) seruran deka ngapil be tetiap kes sida alah.

    Baru nambah, mosyen ba sentang ubah Kod Tanah Sarawak (sentang tanah NCR) ti deka dibantai Uggah ba Aum DUN bulan Mei 2018 dianti mensia mayuh.

    Hari Lima tu tadi (rambau Aum DUN) Uggah madah perintah benung chakah ngaduk pansik sentang ubah Kod Tanah ti dikearap ulih mutarka isu ba tanah NCR.

    Ku Uggah, ubah ba Kod Tanah nya bekait enggau pemakai menua enggau pulau galau lalu dibantai ba AUM DUN bulan Mei 2018. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads