Pansik projek LRT bisi diungkupka belanja tang enda disebut dalam Bajet 2018 - Berita Iban Online

Header Ads

  • Baru Nyadi

    Pansik projek LRT bisi diungkupka belanja tang enda disebut dalam Bajet 2018

    Datuk Patinggi Abang Johari Tun Openg
    KUCHING: Kepala Menteri Datuk Patinggi Abang Johari Tun Openg madah, sekeda belanja bisi diagih ungkup pansik projek LRT taja pan enda disebut dalam Bajet Sarawak 2018.

    Ku iya lebuh dikerandau di Begunan Kunsil Nengeri (DUN) kemari, pansik nya begunaka timpuh enda kurang ari setaun.

    “Bisi...kitai bisi ngagihka sekeda belanja dikena bejalaika pansik.

    “Pansik tu mungkur bengkah jalai ti deka ditengah LRT, bengkah ‘train’ enggau pekara bukai,”ku iya.

    Ngenang kaul ke sama, Abang Johari madah projek LRT disadang dipungkal ba taun 2019.

    Rambau mantaika Bajet Nengeri 2018 ba hari keterubah aum DUN, Abang Johari ngagihka penyampau RM8.226 bilion ungkup timpuh nya.

    Ari penyampau nya RM5.745 bilion ungkup tuju pemansang lalu laluh RM2.481 bilion ungkup belanja operasyen.

    Nyaut tanya ba sentang berita selebubu ti madahka bisi 14 iku kaban parlimen Sarawak enda deka ngenanka penuduk ba Pengawa Bepilih Besai Ke-14(PRU14), iya madahka diri bisi udah macha sentang pekara nya.

    Enggai meri penemu sentang jaku tuduh ke ayan ba ‘Whatsapp Group BN’ nya, iya madah deka beratika pekara nya dulu.

    “Bisi aku macha sentang berita selebubu nya....ba maya bukai mih aku nyaut jaku tuduh nya,”ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads