PDRM deka ngambi 6,000 iku kaban baru taun 2018 - Berita Iban Online

Header Ads

  • Baru Nyadi

    PDRM deka ngambi 6,000 iku kaban baru taun 2018

    Logo PDRM
    IPOH: Polis Diraja Malaysia (PDRM) deka ngambi urung 6,000 pemesai enggau staf baru bepun Januari taun baru chara berenggat.

    Sapit Direktor Pengatur Pengawa (Latih) Opis Pengatur Pengawa Bukit Aman Datuk T. Narenasagaran madah pengawa milih baru nya betuju ngisi mayuh bengkah penuduk ke puang nyadi pemesai sereta nukar penuduk sida ke udah pinchin tauka badu.

    Ku iya, pengawa ngmbi pemesai enggau kaban baru nya mungkur penuduk nyadi inspektor, kaban pangkat baruh, konstabel pemantu nyengkaum konstabel Orang Asli enggau kadet polis.

    “Pengawa ngambi staf baru tu dikena nenegapka agi penyikar PDRM dalam bejalaika tanggungpengawa ungkup mensia mayuh ba menua tu,” ku iya rambau bejadika Baris Tembu Kus Asas PGA Siri 1/2017 ke mungkur urung 658 pemesai enggau kaban Briged Utara Tim Gerakan Am (PGA) Ulu Kinta ditu, kemari.

    Iya madah PDRM ngembuan 13 Palan Latih Polis ba serata menua baka di Kuching, Sarawak; Segamat, Johor; Langkawi, Kedah; Sabah enggau Kuala Lumpur.

    Berebak enggau nyam ba jaku iya, Narenasagaran madah PGA diatu ukai semina nyadi rintai kedua dalam tanggung pengawa polis, tang tim mega patut meri pangka nggagai pengarap mensia mayuh enggau perintah ngagai PDRM.

    Iya madah tu terang dipeda nengah tanggungpengawa mantu mutarka penyalah enggau ba sekeda endur baka Kompleks Imigresen, Kastam enggau Kuarantin (ICQ) ba menua tu.

    Ku iya, kelimpah nya, tanggungpengawa PGA iya nya nentuka pengelantang mayuh rambau bisi penegrami besai ke mungkur pengelikun menua sereta pengawa bejaga barang maya.

    “PGA mega mungkur pengawa ngiga sereta ngesah begulai enggau ejensi bukai napi penusah ba renggat entarabansa.

    “Kelimpah nya, PGA mega bisi kaul dalam tanggungpengawa misi meri pengelikun sereta nyadi pemerati ba menua Asia ke benung charut.

    Narenasagaran madha, PGA nyadi sebengkah tim militari, beguna amat genap pemesai ngembuan pengelandik dalam bidang ‘counter insurgency warfare’, perang konvensional enggau pengelikun mensia mayuh.

    “AKu deka ngelalau genap pemesai enggau kaban ngambika seruran ngembuan ulah mereti, ngelatih diri empu nyadi jujur sereta diterima manah maya bejalaika pengawa.

    “Genap pemesai enggau kaban patut nyeliah diri ari teparuk enggau ulah enda manah baka kuasa, judi, sereta pengawa bukai ke ngelanggar atur menua,” ku iya. #Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads