PEBEDAS deka ngatur BYSF kena 2 Disember - Berita Iban Online

Header Ads

  • Baru Nyadi

    PEBEDAS deka ngatur BYSF kena 2 Disember

    Logo PEBEDAS
    SIBU: Gerempung Nembiak Dayak Sarawak (PEBEDAS) begulai enggau Kelab Sape Dayak Sibu (KSDS) deka ngatur Festival Sape Belia Borneo (BYSF) kena 2 Dis tu ba Kampung Budaya 1Malaysia ditu.

    Festival perengka muzik bansa Dayak keterubah diatur nya deka mandangka artis sape betikas entarabansa baka Jerry Kamit, At Adau, Desmond Emang, Saufi Aiman Yahya, Ilu Leto, Ferinandus Lah, Eugene Kuek, Julien Cottet Of France enggau Solomon Gau & Son.

    Bela bisi merindang maya tu raban sape peranak menua tu baka Ethnic Revolution, Jackery Chukan & Band, Borneo Spectrum, KSDS enggau The Collabration - Gendang Pampat.

    “BYSF deka bepun ari jam 9 pagi nyentuk 12 tengah malam lalu pengerami sepanjai hari nya dedat enggau mayuh aktiviti,” ku Presiden PEBEDAS ke mega chairman pengatur (BYSF) Alexander Frederick Diglin ditu kemari.

    Entara aktiviti nya baka eksibisyen, bejual sape, bengkel, demonstrasyen sape ditangkan pekit sape ke mungkur kategori beraban enggau solo lalu bayar panjar penyampau RM100 enggau RM50.

    “Kitai mega benung bebendar nempa Malaysia Book Of Records (MBOR) ngempuruka pemain sape pemadu mayuh muak ke tengahari hari nya,” ku Frederick.

    Nengah festival nya mega, Pebedas deka nguna sape dikena ngangkatka nama Sibu sereta matak penatai temuai luar kitu sereta nempa BYSF nyadi sebuah program entarabansa ninting taun ditu.

    Kenu ku iya, muzik sape diatu majak dikerinduka nembiak rebak baru ari mayuh renggat.

    Ku iya, tiket tama ngemataka BSYF mega deka dijual enggau rega RM48 ungkup besai tuai, RM15 ungkup nembiak baruh 15 taun.

    Tiket ulih diambi ari Dalas Robert tauka betelefon nuju iya ngena lumur 013-8450934 tauka Jackery Chukan (019-8390839). #Bernama

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads