Pekara pelajar dikemerat, enda dipolitik, ku Dr Annuar - Berita Iban Online

Header Ads

  • Baru Nyadi

    Pekara pelajar dikemerat, enda dipolitik, ku Dr Annuar

    Dr Annuar Rapaee
    KUCHING: Isu pelajar pekara ti chukup dikemeratka Barisan Nasional lalu enda mai isu nya nyadi isu politik nyengkaum ba sitak ke diarika raban penyakal.

    Menteri Muda Pendidikan dan Pansik Teknologi, Dr. Annuar Rapaee madah, baka ba sitak Kunsil Nengeri (DUN) Krian ti diarika penyakal tang perintah Barisan Nasional tetap ngungkupka belanja kelebih agi ba pekara pelajar.

    Iya madahka sekula sekondari enggau primari dalam sitak Krian bisi diungkupka belanja dikena ngemanahka agi sekula nya.

    “Ungkup belanja dikena ngemanahka agi sekula ba DUN Krian iya nya ba taun 2015 perintah bisi ngungkupka belanja RM815,000, lalu ba taun 2016 bisi nerima agih belanja RM247,000.

    “Lalu ba taun tu, ungkup bidang pelajar DUN Krian bisi nerima agih belanja sepenyampau RM746,671.76.

    “Berindik ari nya dalam timpuh tiga taun iya nya 2015 ngagai 2017 DUN Krian bisi nerima tauka diungkupka belanja sepenyampau RM1,808,671.76. Krian nasib amat bulih ungkup belanja besai taja pan diarka pengari penyakal,” ku iya.

    Dr. Annuar mansutka pekara nya maya sesi tanya saut Aum Kedua Penggal Kedua Kunsil Nengeri Sarawak Ke-18, lebuh ke nyaut tanya ari Ali Biju (PKR-Krian) bekaul enggau ungkup belanja pelajar ke diterima sitak nya ti dikena ngemanahka sekula sekondari enggau primary.

    Nitihku Dr. Annuar ba DUN Krian bisi 33 buah sekual ti udah lama sereta jai tang semua nya nerima ungkup belanja baka ke udah dipadahka.

    “Ba Krian mega bisi 25 buah sekula kurang nembiak (SKM). Nya alai diperambu ngambika 11 buah sekula betumpuk ditumbuhka sereta nitihka ni ke patut dulu,” ku iya.

    Lebuh ke ngenang pasal ungkup belanja kokurikulum ba sekula, Dr Annuar madahka ungkup belanja nya endang bisi ba tetiap buah sekula tang enda chukup, nya alai pengari rayat nyengkaum ADUN Krian empu patut mantu meri belanja ngagai sekula dalam sitak ke diari. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads