Header Ads

  • Berita Tebaru

    Pemujur Kelab Adat enggau Main Asal SMK Sg Tapang mantaika pengelandik ngemegahka

    LANDIK: Petanda Kelab Adat enggau Main Asal SMK Sungai Tapang mantaika ayun lundai lebuh ngajat Orang Ulu.
    KUCHING: Kelab Adat enggau Main Asal SMK Sungai Tapang udah mujur mantaika pengelandik nyerumba pengawa bejadika aum besai renggat antarabansa ke diatur ba BCCK ditu, senipak enggau International Baccalaureate (IB) Learner Profile.

    Sekula nya dikangau nyambut penatai pesereta ti ngulu aum besai International Biomass Conference Malaysia ke ari dalam enggau luar menua.

    Kerejasama entara nembiak enggau pengajar ke mujur mantaika pengelandik ti nyelai nya nerima sambut ti manah sereta ngemegah ati mensia mayuh ba aum besai nya.

    Nitih ku penerang berita sekula nya, penyereta, komitmen sereta pemendar nembiak ke nyadi rebak baru mantaika pengelandik enggau nyemela ke akademik enggau kokurikulum.

    Komitmen nya setipak enggau peminta sereta aspirasyen International Baccalaureate (IB) Learner Profile.


    ALBUM: Petanda Kelab Adat enggau Main Asal SMK Sungai Tapang begambar bebala mayuh.
    “Pekara tu ngayanka Program International Baccalaureate (IB) ti dipejalaika SMK Sungai Tapang mujur nempa raban nembiak rebak baru sereta biak ti ukai semina ulih meretika pesaka tauka daya idup tang mega ulih berunding panjai enggau ulih nerima bida daya idup.

    “Program International Baccalaureate ke dipejalaika SMK Sungai Tapang ulih nempa nembiak ti landik tauka kreatif berunding nengah pengulih ngasil enggau mantaika pengelandik enda ngira pengerami nyengkaum renggat antarabansa,” ku penerang berita SMK Sungai Tapang.

    Tanda etnik Orang Ulu ti dikena ngepunka pengerami nya lalu ditangkanka enggau petanda ari pupu bansa mega ngayanka kelai penyerakup dalam menua tu. #UtusanBorneo

    No comments

    Post Top Ad