Penanggul dadah di pesisir ngirauka ati - Berita Iban Online

Header Ads

  • Baru Nyadi

    Penanggul dadah di pesisir ngirauka ati

    Datuk Amar Douglas Uggah Embas
    SPAOH: Sapit Kepala Menteri Datuk Amar Douglas Uggah Embas madahka pengirau diri bekaul enggau penanggul salah guna dadah di menua pesisir ti dipadahka deka ngerusak nembiak di menua tu.

    Nitihku iya, penanggul nya suba jarang didinga nyadi di menua pesisir tang diatu mayuh udah didinga nyadi.

    “Tu deka mai pengerugi ukai semina ngagai apai indai tang mega menua, laban menua begunaka rayat ti bisi penemu integriti sereta ukai sakit makai dadah,” ku iya lebuh bejaku ba Majlis Anugerah Kecemerlangan dan Graduasi SMK Spaoh ditu, kemari.

    Nya alai dikena mantu nagang pengeremabi aktiviti salah guna dadah ba raban nembiak iya ngarapka apai indai ulih nyaga sereta beratika aktiviti anak sida.

    Ku iya, maya lepa bala nembiak patut diisi ngena aktiviti di nguntungka dikena nyeliahka ari tepuruk ngereja aktiviti salah guna dadah.

    Maya lepa patut nyadi peluang ngagai bala nembiak ngereja aktiviti baka macha bup pelajar enggau bup bukai ke ulih nambahka penemu.

    Pelajar amat beguna laban nya nentuka kuing pemujur pengawa nembiak jemah ila.

    Iya deka ke apai indnai enggau pengajar sekula bekerejasama ngiring sereta ngajar anak awakka teulihka penyulut dalam pelajar.

    Kelimpah ari nya, iya madahka perintah deka seruran mantu ba belanja dikena ngemanahka perengka guna sekula.

    Uggah mega minta SMK Spaoh ngambika netapka juluk 100 peratus penatai nembiak ke sekula dibandingka enggai 92 peratus ke diatu.

    Enda datai ke sekula kebendar iya penanggul serius sereta patut dikemeratka apai indai enggau pengajar.

    Berebak enggau tu Uggah besamaya deka meri insentif dikena meri peransang ngagai nembiak ngambika nyulut dalam peresa SPM enggau STPM. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads