Header Ads

  • Berita Tebaru

    Pengemeran industri dagang temuai, STB dipinta bekerejasama

    Mary Wan Mering
    KUCHING: Pengemeran industri dagang temuai nengeri patut nempa kerejasama enggau Kaunsil Dagang Temuai Sarawak (STB) dikena ngenukuka transaksyen dagang lanchar dikena mensia mayuh ti merambu kemisi di nengeri tu.

    Pemangku Ketuai Pemesai Eksekutif STB, Mary Wan Mering madah, taja pan batang pengawa kaunsil nya ngelakuka palan tang pengawa bejual ke penudi ngagai mensia mayuh patut dipejalaika ejen enggau piak hotel.

    Mary mega minta ejen ngambika nambahka peneleba produk Sarawak ngagai ‘gimik’ bejual, lalu pinta ba rega ungkup duit ke dalam pakej dagang temuai.

    “Kaunsil minta kerejasama ejen enggau pengempu produk, piak hotel, opis bekuasa kandang menua enggau barang sapa ti bekaul enggau industri,” ku iya.

    Iya mansutka ke jaku ba ‘Persindiketan Industri Pelancongan Sarawak’ ti tembu di Sibu ensanus pengudah sesi di Kuching Kuching (24 November) enggau Miri (27 November).

    Sesi nya diatur ninting taun begulai enggau bala bakih industri menua tu, dikena nerima timbal sereta beratika perambu ba taun 2018, enggau juluk nambahka penatai temuai enggau penatai pemisi dagang temuai ungkup Sarawak. #UtusanBorneo

    No comments

    Post Top Ad