Peranak di Bijat, Stumbin dibayar pampas lebih RM1 juta - Berita Iban Online

Header Ads

  • Baru Nyadi

    Peranak di Bijat, Stumbin dibayar pampas lebih RM1 juta

    Datuk Seri Rohani Abdul Karim
    SRI AMAN: Peranak ari 23 buah rumah panjai nyengkaum Kpg Stumbin enggau Kpg Melayu Tanjung Bijat ke bisi kaul enggau Projek Paddy Granary Infrastructure Works Bijat-Stumbin nerima duit pampas lebih RM1 juta ditu kemari.

    Menteri Pemansang Orang Indu, Ruang Bilik enggau Raban Bansa Datuk Seri Rohani Abdul Karim, madahka bala penerima nya bisi kaul enggau tanah sida baka Tanah Ke Bisi Pala, Tanah Rizab Bumiputera enggau Tanah Hak Adat Bumiputera ke deka endur ngaga projek.

    Ku iya ke mega Kaban Parlimen Batang Lupar, semua Projek Paddy Granary Infrastructure Works Bijat-Stumbin ke sepanjai 52km nya mungkur 1,384 lot tanah.

    Proses ngambi tanah ke sepanjai 34km udah tembu dipejalai enggau penyampau bayar pampas RM731,680.44 mungkur 645 lot tanah kenyau ari taun 2015.

    Laluh nya, 18km agi deka dibayar tengah bulan Disember, ke mungkur 739 lot enggau penyampau ungkus pampas RM466,956.81.

    Projek nya dikena ngangkatmanah sistem parit enggau entali ai ungkup projek dandang umai ti dikemansang ba endur nya, ku iya.

    Projek nya deka meri pemaik ngagai peranak menua dia laban sistem parit enggau entali ai deka nyadi manah agi ba endur bumai lalu nyadi jalai penyambung ungkup orang bumai ke deka ngagai tanah sida sereta lalu ngangkatka tikas ekonomi sida,” ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads