Peranak di kandang menua ulu randaka bekal ai beresi, elekterik 24 jam - Berita Iban Online

Header Ads

  • Baru Nyadi

    Peranak di kandang menua ulu randaka bekal ai beresi, elekterik 24 jam

    Jefferson Jamit
    KUCHING: Peranak dalam sitak Kunsil Nengeri Bukit Goram kelebih agi ke jauh di menua ulu begunaka bekal elekterik enggau ai beresi.

    Kaban Kunsil Nengeri (ADUN) Bukit Goram Jefferson Jamit madah perintah patut nyendia sistem grid elekterik ke chukup dalam kandang ngelingi ngambika peranak ulih nerima bekal elekterik 24 jam.

    “Tebal agi peranak menua pesisir kelebih agi sida ke diau di rumah panjai di N.63 Bukit Goram bedau nerima bekal elekterik 24 jam.

    “Perintah enggau ejensi ke bekaul patut chakah agi ngereja pengawa ngambika genturung pendiau nya disambung enggau sistem grid,” ku iya ba Aum DUN ditu, kemari.

    Ba sentang bekal paip, Jefferson ngarap perintah meratika enggau berat atur nyendiaka bekal ai beresi.

    Baka bekal elekterik, menua ulu mega bedau nerima bekal ai beresi ke meruan.

    “Aku meri puji ngagai pengawa perintah ti udah ngangkatmanah sistem paip di Kapit.

    “Tang mengkang mayuh rumah ngelingi kandang mengeri ke datai jalai bedau nerima bekal ai beresi,” ku iya.

    Kelimpah ari nya iya mega madah sitak Bukit Goram enda chukup tiang pemanchar telekomuniksyen.

    Ketegal nya ku iya peranak ke diau di menua ulu enda nerima servis telefon enggau servis internet.

    Berindik enggau nya iya minta perintah nirika mayuh agi tiang pemancar ngambi ulih ngangkat atur penyambung telekomunikasyen baka ke ba Sungau Menuan, Sungai Belawai, Sungai Ibau, Sungai Melipis, UluYong enggau genturung pendiau ke ba sepemanjai Batang Rajang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads