Header Ads

  • Berita Tebaru

    Perintah Nengeri deka berundingka chara matak peranak Sarawak ke mayuh gawa di menua luar

    NYADIKA PERANSANG: Abang Johari (lima kiba) nyuaka anugerah ngagai siku penerima Anugerah Khas Kepala Menteri Sarawak Ke-25 di Kuching.
    KUCHING: Perintah Nengeri deka ngiga chara mutarka isu peranak nengeri tu ti gawa ba menua luar ngambi sida ulih pulai lalu gawa ba menua diri Kepala Menteri Datuk Patinggi Abang Johari Tun Openg madah dikena ngemujur juluk nya, Yayasan Sarawak meseti bisi data sentang peranak Sarawak ke nerima skularship pelajar ari ijinsi nya ke alai sida diatu gawa dimenua luar baka ke di United Kingdom enggau Amerika Syarikat.

    Ku iya data nya chukup berat ngambika Perintah Nengeri ulih nyendia platform batang pengawa baru dikena matak peranak Sarawak ti gawa di menua luar pulai lalu gawa di menua diri.

    “Tebal agi penerima Anugerah Khas (Kepala Menteri Sarawak ari Yayasan Sarawak) gawa di menua luar. Reti nya peluang gawa enda mayuh di nengeri tu.

    “Berindik enggau nya, kitai meseti ngiga chara mutarka pekara tu nengah atur nyendia peluang, platform ekonomi enggau rama ke lebih mansang ngambi sida ulih nguna penau ba atur nyaup ngemansang Sarawak,” ku iya.

    Iya mansutka jaku nya ba pengerami nyuaka Anugerah Khas Kepala Menteri Sarawak Ke-25 di Dewan Santapan, Begunan Dewan Undangan Negeri (DUN) Baru ditu, malam ensanus.

    Ngenang sentang pengerami nya, Abang Johari madah Anugerah Khas Kepala Menteri Sarawak Ke-25 seiti pengerami ke chukup berat.

    Ku iya, pengerami mandangka pemujur Yayasan Sarawak ba pengawa nyaup peranak nengeri tu ba pekara pelajar.

    Dua belas iku orang nerima Anugerah Khas Kepala Menteri Sarawak Ke-25 malam nya ke alai sida ngarika kategori pelajar, pengajar, ketuai enggau sekula pemadu nyulut.

    Bela datai bini Kepala Menteri Datin Patinggi Dato Juma’ani Tuanku Bujang, Sapit Kepala Menteri Datuk Amar Douglas Uggah Embas, Datuk Amar Awang Tengah Ali Hasan, Speaker Dewan Undangan Negeri Datuk Amar Mohamad Asfia Awang Nassar, menteri kabinet bukai enggau Direktor Yayasan Sarawak Azmi Bujang. #UtusanBorneo

    No comments

    Post Top Ad