Polis Bintulu mujur nangkap tiga saspek nyerungkai rumah - Berita Iban Online

Header Ads

  • Baru Nyadi

    Polis Bintulu mujur nangkap tiga saspek nyerungkai rumah

    DITANGKAP: Dua nembiak ke ditangkap polis Bintulu kemari pengudah dipelaba bisi kaul enggau kes nyerungkai kedai.
    BINTULU: Tiga lelaki peranak menua tu dipelaba bekaul enggau kes nyerungkai rumah udah ditangkap raban Opis Pemansik Penyalah (JSJ) Bintulu ditu tumu pagi kemari.

    Ketuai Polis Pelilih Bintulu Superitenden Zulkipli Suhaili madah, sida mujur nangkap urung pukul 2 pagi ensanus maya tiga saspek ke beumur urung 20 taun bejalai ba pasar lama Sungai Plan, enda jauh ari flat Sungai Paln Tanjung Kidurong.

    Ku iya, pengawa nangkap nya mega asil penerang asil siku orang ke ngaga ripot urung pukul 10.29 malam, beberapa jam sebedau sida datai ngenyit.

    “Bela dirampas iya nya tiga unit telefon binching, siti pemain DVD, perengka remote kontrol engga siti perengka pengempat,” ku iya nengah sebengkah penerang ditu kemari.

    Berindik ari nya ku iya, kes dipansik nitihka Seksyen 457 Kanun Keseksaan.

    Udah nya ba kes kedua, polis Bintulu mujur nangkap dua nembiak lelaki peranak menua tu ba Kampung Baru ditu urung pukul 12.05 tengah malam ensanus pengudah nerima ripot pasal sebuah kedai renchit kena serungkai.

    Ku iya, orang ke ngaga ripot nemu kedai iya kena serungkap urung pukul 4 pagi 1 November lalu tepedaka barang pemakai enggau perengka mesin ayam lenyau nyengkaum rugi RM550.

    Nya alai, ku iya kes nya deka dipansik nitihka Seksyen 457 Kanun Keseksaan. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads