Header Ads

  • Berita Tebaru

    Program ‘roadshow’ CTC Mobil di Kampung Jepak nerima sambut ti manah

    ENDA NGIRA UMUR: Siku ari nembiak nguji ngiching ngena senapang ba bangsal pengawa mandang Soldadu Malaysia rambau atur program nya.
    BINTULU: Program ‘roadshow’ Palan Tranformasyen Komuniti (CTC) Mobil di Kampung Jepak kemari udah matak penatai 2,000 iku peranak menua nya.

    Pengawa ngelancharka program sehari nyentuk nya udah dipenyadika Menteri di Opis Kepala Menteri ke lalu nyadi Kaban Kunsil Nengeri (ADUN) Jepak Datuk Talib Zulpilip.

    Iya disempulang Sapit Residen Bintulu Hamdiah Bakir, Pemesai Pelilih Bintulu Mataip Sayu, Ketuai Tim CTC Mindah Kin Kitu Sarawak Pui Lih Shan sereta bala ketuai komuniti ke bukai.

    Program tu udah disereta 20 ejensi perintah ti udah diatur di Balai Komuniti Kampung Jepak, berengkah ari pukul 8 pagi nyentuk pukul 5 lemai.

    Kampung Jepak urung iya 30 minit penyauh ari pasar Bintulu, udah dipilih nyadi siti ari palan pemadu engkeman ungkup program CTC berindik ari penuduk menua nya.

    Malaysia Sarawak Treasury udah dipaduka Unit Strategi Nasional, Opis Menteri Wang bejalaika program CTC Mindah Kin Kitu.

    Tu inisiatif di baruh Strategi Tabik Biru Nasional (NBOS) Lapan ngemai batang servis perintah semak agi ngagai peranak menua pesisir, ti nadai disambung ngagai perengka guna.

    Program sehari nyentuk nyengkaum sesais aerobik, pekit ngelinsu nembiak mit, licha, chabut tikit benasit enggau ke bukai. #UtusanBorneo

    TERIMA KASIH: Talib (iga kanan) Pui (dua kanan) enggau bala ketuai komuniti ke bukai berasai lantang nerima pejalai roadshow CTC Mobil di Kampung Jepak.

    No comments

    Post Top Ad