‘Projek Pensel’ ngatur tuisyen Jaku English nyerumba kemisi sekula - Berita Iban Online

Header Ads

  • Baru Nyadi

    ‘Projek Pensel’ ngatur tuisyen Jaku English nyerumba kemisi sekula

    Norina Umoi Utot
    KUCHING: Projek Pensel udah mungkal penggal kemisi sekula enggau kelas tuisyen Jaku English kena 25 November tu tadi.

    Kelas tuisyen tu dipejalai di baruh Projek Pensil, sebengkah projek meri penyedar ba pemesai guna pelajar ngagai pengidup dudi hari, kelebih agi ngagai nembiak di menua pesisir, ditibak ari penemu Norina Umoi Utot empu.

    Ba hari keterubah iya, kelas tu udah digulu lima iku nembiak sekula primari enggau pra sekula, beumur antara empat ngagai semilan taun.

    Nitih ku penerang, dipelaba bisi lima iku da agi nembiak deka ngulu kelas tu ba minggu baru lalu penyampau tubuh nembiak semina ditatak naka sepuluh iku aja ba renggat keterubah kelas tu diatur.

    “Ba renggat keterubah tu, kami nguji dulu ngepunka pengawa nerima sepuluh iku nembiak aja lalu iya deka ditampung baru nyema bisi asil tauka nerima ti manah sekali tu.

    “Kitai deka meri awak ngagai bala nembiak bisi pengeliat enggau pengeran belajarka Jaku English, nadai ngira renggat umur, laban kitai dekaka sida ngiri penemu nitihka pengangkun diri,” pia ku penerang nya.

    Nangkan nya, siku pengajar ti bepenelaba enggau landik ba subjek Jaku English udah volunteer ngajar sereta nyediaka kereban dikena belajar nitihka stindit pelajar sekula bala nembiak.

    Batang tuju ngatur kelas tu dikena ngajar Jaku English berengkah ari umur tumu ngagai bala nembiak maya kemisi sekula kelimpah ari ngisi jam sida enggau aktiviti ti menyana.

    Pia mega, sida ulih ngaluska agi chara enggau tiun bejaku ngena Jaku English sereta meretika jalai ngena tusun genteran jaku ti betul.

    “Tu awak chukup manah ngagai bala nembiak ke benung kemisi sekula ngiri penemu sereta mega bekunsika penemu enggau bala bakih ke bukai.” #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads