Projek ‘Tour Buddy’ deka berengkah dikerembai di Sarawak - Berita Iban Online

Header Ads

  • Baru Nyadi

    Projek ‘Tour Buddy’ deka berengkah dikerembai di Sarawak

    Dato' Sri Hajjah Rohani Abdul Karim
    SAMARAHAN: Projek pemungkal ‘Tour Buddy’ ke bekaul enggau industri dagang temuai deka dikerembai di Sarawak, ku Menteri Pemansang Orang Indu, Ruang Bilik enggau Komuniti Dato' Sri Hajjah Rohani Abdul Karim.

    Bejaku rambau bejadi ‘Penangguhan Program’ e-Usahawan dan e-Rezeki Pelilih Samarahan kemari, iya madah projek nya udah digaga di mengeri besai baka ke di Kuala Lumpur.

    “Nengah projek tu, kitai ngangkatka deriba taxi enggau bot (perau) nyadi ‘Tour Buddy’.

    “Projek tu deka dikerembai di Sarawak lalu sida (deriba taxi enggau bot) patut landik jaku bukai kelebih agi Jaku English.

    “Kelimpah ti nganjung temuai, sida dikearap ulih nusuika sejarah tauka cherita palan nya sereta palan bukai ke bisi dipansa,” ku Rohani.

    Iya nambah, lebih 2,000 iku orang udah dilatih nengah projek nya.

    “Baka ke udah, raban driba taxi enggau bot tu bulih pemisi urung USD50 ngagai USD200 sehari,” ku iya nambah.

    Ba Sarawak ku iya, projek tu engkeman ungkup sida ke suah nganjung temuai ngagai palan dagang temuai baka ke Taman Negara Bako.

    Ku iya, projek nya nagit raban orang ke bisi kaul enggau industri dagang temuai ngambi bela nyaup ngelaku palan pematak temuai di Malaysia. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads