Rachel Lau mujur menang Anugerah Media CIDB 2017 - Berita Iban Online

Header Ads

  • Baru Nyadi

    Rachel Lau mujur menang Anugerah Media CIDB 2017

    Logo CIDB
    KUCHING: Pengarang berita The Borneo Post, Rachel Lau Ker Qing dipilih nyadi pemenang Anugerah Media Pemansang Begunan Kaunsil Pemansang Industri Begunan Malaysia (CIDB) 2017 kategori Media Cetak (Berita dan Rencana) nyerumba Pengerami Makai Lemai Ngenang Pemanah Pengawa Media Opis Menteri Kereja Raya (KKR) ke diatur ditu, kemari.

    Berambaika jaku “Roadblocks in Adopting IBS in Sarawak”, Rachel mujur pulai mai sebuah trofi, setipikit enggau perais mata duit RM5,000.

    Penuduk kedua enggau ketiga dipenggi pengarang berita Utusan Sarawak, Haini Darani enggau pengarang berita The Borneo Post, Yvonne Tuah Merawin.

    Kededua pemenang bela pulai mai sebuah trofi, setipikit enggau perais mata duit RM3,000 enggau RM2,000.

    Ba Anugerah Media Pemansang Begunan CIDB 2017 kategori Media Elektronik enggau Video Portal Berita, champion dipenggi raban ari TV3 Kuching ke diarika Abu Zaidi Bakar, Farizan Jalal enggau Adib Othman.

    Raban nya mujur pulai mai sebuah trofi, setipikit enggau perais mata duit RM5,000.

    Seraya penuduk kedua pulai ngagai gempung ari RTM Kuching ti diarika Aziemah Kassim enggau Awangku Bolkia Awang Ali.

    Sida pulai ngemai perais sebuah trofi, setipikit enggau perais mata duit RM3,000.

    Penuduk ketiga dipenggi raban ari RTM Sibu ti diarika Ruth Ampong enggau Johnny Bilon lalu sida nerima setipikit enggau perais mata duit RM1,000.

    Ungkup Anugerah Media Ngaga Begunan CIDB 2017 kategori Fotografi, dua tukang gambar ari The Star, Zulazhar Sheblee enggau Bernama, Muhamad Razali Nordin bela nerima perais pengaga ati RM1,000 enggau setipikit.

    Lebih 100 pengereja pengawa media di Kuching ngulu pengerami nya ke dipenyadi Menteri Kereja Raya, Dato’ Sri Fadillah Yusof. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads