RM246.4 juta ungkup 19 projek industri dalam langkar RMK-11 - Berita Iban Online

Header Ads

  • Baru Nyadi

    RM246.4 juta ungkup 19 projek industri dalam langkar RMK-11

    Datuk Amar Awang Tengah Ali Hasan
    KUCHING: Sepenyampau RM246.4 juta udah dikemendarka ngagai Opis Menteri Pemansang Industri enggau Orang Dagang dikena bejalaika 19 buah projek industri dibaruh Langgur Pemansang Malaysia Lumpar Ke-11 (RMK-11).

    Menteri nya ti mega Sapit Kepala Menteri, Datuk Amar Awang Tengah Ali Hasan madahka, ungkup belanja nya nyengkaum tiga projek ke udah tembu iya nya Sama Jaya Phase 5, Demak Laut Phase 2B Stage 1 enggau Tebedu.

    “Lalu ke bukai benung dipejalaika dalam mayuh renggat. Pengawa fizikal benung dipejalaika ba Demak Laut Phase 2B Stage 2, Kapit enggau Marudi lalu ba Sibu, Demak Laut Phase 2E enggau Sebuyau agi dalam proses ngelangkar pelin.

    “Proses ngambi baru tanah udah mujur diputarka ba menua Sri Aman enggau Betong, lalu Opis Tanah enggau Survei benung dalam proses ngambi tanah ba Bau enggau Lundu ungkup industri am, sereta Rantau Panjang Phase 2 di Sibu ungkup industri ngaga kapal.

    “Semua program enggau inisitif tu ngayanka komitmen perintah ke seruran beratka Dagang Mit enggau Tengan Pemesai (PKS) menua tu nyengkaum orang dagang mikro,” ku iya.

    Awang Tengah mansutka pekara nya lebuh ti nyimpul jurai Opis Menteri Pemansang Industri enggau Orang Dagang ba Aum Kedua Penggal Kedua Aum Kunsil Nengeri Sarawak ke-18 ditu, kemari.

    “Nya alai, PKS menua tu patut lebih regas sereta bisi inovasi dikena napi peminta sereta penguntung program ti udah disediaka perintah,” ku iya.

    Bejaku baru iya madahka, perintah mega numbuhka beberapa inisiatif pemansang infrastruktur PKS di nengeri tu.

    “Ambika chunto, numbuhka Anjung Usahawan, palan inkuaabator, Borneo 744 di Pending, Sarikei Innovation Centre (SIC), Sarawak Product Pavilion (SPP) di Kuala Lumpur, sereta perambu Digital Village enggau Palan Pengumpul Produk.

    “Semua nya ditumbuhka dikena nyendiaka perengka guna dikena ngangkatka inovasi enggau kreativiti orang dagang dalam e-Dagang.

    “Kelimpah ari nya, opis menteri aku benung nempa kerejasama enggau Cent@Cube di Kuching dikena nyendiaka perengka guna ngagai orang dagang ke mungkal pengawa dagang nyengkaum servis pengerejista dagang, servis sekretari kompeni, servis guam enggau ke bukai,” ku iya.

    Ejensi perintah ke bukai baka SEDC udah nyendiaka 16 palan inkubator, MARA nyendiaka 3 palan inkubator enggau TEGAS nyendiaka TEGAS Digital Innovation Hub (TDIH). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads