Sarawak Pay dipenyadi - Berita Iban Online

Header Ads

  • Baru Nyadi

    Sarawak Pay dipenyadi

    Abang Johari keterubah ia download Sarawak Pay dalam telefon iya kelai bejadika aplikasyen nya seraya dikemataka Uggah, Masing, Morshidi enggau ke bukai.
    KUCHING: Aplikasyen Sarawak Pay udah mujur dipenyadika enggau rasmi ulih Kepala Menteri Datuk Patinggi Abang Johari Tun Openg, sehari tu.

    Aplikasyen Sarawak Pay udah ulih di download ngena Google Play enggau Apply Store.

    Nya alai berengkah ari diatu peranak Sarawak enda ibuh mayar bil perintah ngena mata duit.

    Semua servis bebayar perintah sereta ejensi bekaul ulih dibayar nengah servis e-wallet tauka Sarawak Pay.

    Dikena mungkal, Bank Negara semina ngemendarka  sekali 'top-up' iya nya maximium RM200.

    Taun baru, perintah Sarawak deka minta ngagai Bank Negara Malaysia ngambika penyampau ke ulih di 'top-up' iya nya maximum RM1,500.

    Sarawak Pay iya sebengkah inisiatif ti ditumbuhka perintah nengeri dikena mai transformasyen Sarawak nuju ekonomi digital.

    Sarawak udah nyain sempekat pemereti ati (MoU) enggau Huawei dikena ngemansangka teknologi digital nya.

    Sama bisi ba pengawa bejadika Sarawak Pay nya kemari Sapit Kepala Menteri Datuk Amar Douglas Uggah Embas enggau Tan Sri Datuk Amar James Jemut Masing, Sekretari Perintah Nengeri Tan Sri Datuk Amar Mohamad Moshidi Abdul Ghani enggau ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads