Sarikei, Betong deka dikemansang nyadi palan pemansut pemakai negeri - Berita Iban Online

Header Ads

  • Baru Nyadi

    Sarikei, Betong deka dikemansang nyadi palan pemansut pemakai negeri

    Datuk Amar Douglas Uggah Embas
    SARIKEI: Pelilih menua Sarikei enggau Betong deka dikemansang nyadi pemansut pemakai negeri nyerumba taun 2030, pia ku Sapit Kepala Menteri Datuk Amar Douglas Uggah Embas, kemari.

    Uggah ke mega Menteri Betanam Betupi Moden Sarawak, Tanah Adat enggau Pemansang Kandang Menua, madahka agi mayuh tanah ba kandang menua nya ke tau dikemansang nengah chara ke besai sereta ditanam enggau buah nengah chara komersil.

    “Kami pechaya tu ulih dijapai enti kitai amat ngemeranka chara enggau teknologi moden kelimpah bisi pengelibih orang ke bagas bekebun enggau orang ke bisi ati beranakka puku,” ku iya lebuh bejadi Pesta Nenas enggau Buah ti diatur ninting taun ditu.

    Ku iya, perintah negeri meda tu siti pemar ke besai tang arap endar tu ulih mujur nengah chara meransang bala pekebun ngemansutka asil ti mayuh.

    “Kami deka nentuka produk ti asilka sida bisi standard kualiti ti dikedekaka menua ke ngimport. Kami merambu numbuhka palan endur ngumpul ngambika bisi endur ngumpul buah ari,” ku iya.

    Ba pelilih menua Sarikei ku Uggah bisi ngemansut 21 bansa buah ke bebida ke alai buah rian ditu ditanam ba tanah ke mungkur pemesai 800 hektar.

    “Diatu bisi peminta ke mayuh ba buah rian Musang King ari menua China. Kami metansang pekebun ngemesaika kebun sida ngambika ulih nambahka pemansut,” ku iya.

    Ku iya Sarikei aja ufah tebilang ngemandutka buah nenas ke manis lalu nyadi pemansut kedua besai di menua tu.

    “Diatu perintah merambu manggai ba taun 2020, deka nyadi nengeri pengeluar ke pemadu mayuh di menua tu nengah chara nangkir pemessi tanah endur bekebun ke diatu bisi 221 hektar ngagai urung 2,000 hektar, ku iya.

    Iya mega madahka opis menteri iya deka bekerejasama enggau Kunsil Nenas Malaysia nanam paung bansa NB2 ke ulih idup lama agi. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads