SBST berengkah beoperasyen taun baru - Berita Iban Online

Header Ads

  • Baru Nyadi

    SBST berengkah beoperasyen taun baru

    Tan Sri James Masing
    KUCHING: Stage Bus Service Transformation (SBST) deka ngemunka operasyen di Mengeri Besai Kuching berengkah taun 2018.

    Sapit Kepala Menteri Tan Sri James Masing madah servis bas nya deka mutar penanggul jalai ti suah dedat laban entukar dalam kandang mengeri.

    “Kuching entara lima mengeri besai di Malaysia ke dipilih endur ngemujur servis bas ke dikumbai SBST.

    “Servis deka berengkah beoperasyen ba taun ti deka datai. Enti mujur, servis SBST deka dikerembai ke mengeri bukai di Sarawak,”ku iya.

    Masing mansutka nya lebuh nyimpul jurai Aum Kunsil Nengeri (DUN) Ke-18 Penggal Kedua di Komplek DUN ditu, kemari.

    Masing ke mega Menteri Pemansang Infrastruktur enggau Perengka Pengangkut madah, servis nya deka mungkur jalai sepenyauh 560 KM, nengah 15 jalai besai sereta 12 jalai mit.

    Iya nambah, 130 buah bas deka disedia ungkup nyendiaka servis nya lalu semua bas deka disikap enggau sistem tikit ‘touch-n-go’ elektronik, WiFi, GPS sereta kamera cctv.

    Tambang bas nya ku Masing deka nitihka ti ditetap ‘Commercial Vehicle Licensing Board’(CVLB).

    “Seraris enggau pengeran perintah ngaga sistem pengangkut LRT, jalai ke ditengah SBST enggau stesyen deka disambung ngagai LRT,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads