Sekula tuai sereta repuk di Sarawak dikemanah nguna IBS - Berita Iban Online

Header Ads

  • Baru Nyadi

    Sekula tuai sereta repuk di Sarawak dikemanah nguna IBS

    BENUNG GAWA: Masang perabung atap pejalai kaki ba SK Sungai Tisang
    KUALA LUMPUR: Bisi 50 projek ngemanah sekula-sekula tuai sereta repuk di Sarawak nguna Sistem Binaan Berindustri (IBS).

    Opis Menteri Pelajar lebuh ke nyaut nengah chara betulis di Dewan Rakyat madahka penyampau nya mungkur 20 projek ba taun 2016 enggau 30 projek ba taun 2017.

    “Kelimpah ari nya, 109 buah sekula tuai sereta buruk di Sarawak mega udah dikemanah nguna agih belanja ke diberi Opis Menteri Pelajar ti dipejalaika Unit Penyelarasan Pelaksanaan Opis Menteri Besai”, ku iya lebuh nyaut tanya Datuk Seri Tiong King Sing (BN-Bintulu) bekaul enggau atur ke diambi opis menteri nya dikena mantu sekula tuai sereta repuk di Sarawak kelebih agi di Bintulu.

    Ku opis menteri nya, entara sekula ke udah dikemanah di Bintulu iya nya SK Sungai Tisang, SK Batu 18 enggau SK Tatau. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads