Semilan pakej Projek Jalai Pan Borneo digaga nitihka perambu ti udah ditetap - Berita Iban Online

Header Ads

  • Baru Nyadi

    Semilan pakej Projek Jalai Pan Borneo digaga nitihka perambu ti udah ditetap

    Datuk Julaihi Narawi
    KUCHING: Semilan pakej kereja Projek Jalai Pan Borneo digaga nitihka perambu timpuh ke ditetap, ku Menteri Muda Jalai Tebing Pantai Datuk Julaihi Narawi.

    Ku iya, naka 25 September 2016, pejalai semua projek diripot mujur ke alai semina 2 pakej bisi laun mimit.

    “Pejalai semua pakej projek manah diatu ke alai semua pakej disadang tembu digaga nitihka perambu iya nya kena 30 Jun 2021,”ku iya.

    Julaihi mansutka penerang nya nyaut tanya ADUN DAP-Tanjung Batu Chiew Chiu Sing rambau Hari Keempat Aum DUN ditu, kemari.

    Nitihka penerang Julaihi, 2 pakej kereja ke laun iya nya Pakej 3 Serian-Simpang Pantu enggau Pakej 5 Batang Skrang-Sungai Awik.

    “Pakej Serian-Simpang Pantu ke disadang tembu kena 9 Mac 2020 laun 2.25 peratus ari perambu asal timpuh lalu nya ketegal kuntrektor enda chukup orang gawa enggau mesin dikena kereja.

    “Kedua, pakej ari Batang Skrang-Sungai Awik laun 0.50 peratus ketegal kereja piling jematan lubah diadu,”ku iya seraya madah pakej nya disadang tembu kena 30 September 2020.

    Iya nambah Pakej 1 iya nya Telok Melano-Sematan disadang tembu kena 6 Januari 2019 ke alai kereja diatu ba ikas 37.62 peratus iya nya laju 16.59 peratus ari perambu asal 21.03 peratus.

    Pakej 2 Sematan-Sungai Moyan laju 0.55 peratus ke alai pejalai kereja ba ikas 2.49 peratus, disadang tembu 31 Oktober 2020.

    Pakej 4 Simpang Pantu-Simpang Batang Skrang laju 7.50 peratus, kereja ba ikas 9.52 peratus lalu disadang tembu 30 November 2020.

    Pakej 6 Sungai Awik - Bintangor laju 3.03 peratus , kereja ba ikas 4.82 peratus lalu disadang tembu 31 Ogos 2020.

    Pakej 7 Bintangor-Sungai Kua laju 5.85 peratus, kereja ba ikas 15.75 peratus lalu disadang tembu 15 Jun 2020.

    Pakej 8 Sungai Kua- Sungai Arip laju 5.55 peratus, kereja ba ikas 7.09 peratus lalu disadang tembu 31 Oktober 2020.

    Pakej 9 Sungai Arip-Simpang Bintulu laju 0.23 peratus, kereja ba ikas 4.15 peratus lalu disadang tembu 31 Oktober 2020.

    Pakej 10 Simpang Bakun - Simpang Sungai Tangap laju 4.08 peratus, kereja ba ikas 8.36 peratus lalu di sadang tembu 30 November 2020.

    Pakej 11 Sungai Tangap-Jalai Pujut Link laju 3.93 peratus, kereja ba ikas 7.32 peratus lalu disadang temhu 31 Oktober 2020.

    Ngenang sentang projek Nyabau-Simpang Bakun, Julaihi madah timpuh tembu projek nya udah dilanjar ari 29 Oktober 2017 ngagai 20 Ogos 2018.

    “Timpuh projek dikemendar dilanjar ketegal kereja struktur ke mar tang projek dipejalai nitihka perambu timpuh,”ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads