Semua staf opis perintah Sarawak diberi insentif batang gaji sebulan - Berita Iban Online

Header Ads

  • Baru Nyadi

    Semua staf opis perintah Sarawak diberi insentif batang gaji sebulan

    ABIS BAUM: Abang Johari (kanan) enggau Awang Tengah (kiba) sereta mupuk pulai ari Begunan Kunsil Nengeri pengudah abis aum DUN Ke-18 kemari.
    KUCHING: Perintah nengeri keterubah iya deka meri Bayar Insentif Khas ngagai semua orang ke gawa ba opis perintah nengeri sama enggau pugu gaji sebulan tauka minimum sepenyampau RM2,000.

    Kepala Menteri Datuk Patinggi Abang Johari Tun Openg madahka, nya sebengkah ari chara beterima kasih ngagai pengereja pengawa opis perintah ke sama enggau ngemansangka nengeri.

    Bayar insentif khas tu diberi berindik ari gaya belanja nengeri ti ba tikas ke manah tauka meruan, penyakah ngereja pengawa, ngena belanja enggau manah sereta bisi disiplin ngatur belanja dalam servis opis perintah, ku iya.

    “Nengeri tu bisi penegap ba belanja dikena meri tauka bejalaika bayar insentif khas ti begunaka belanja urung RM45 juta. Bayar insentif khas tu deka dipejalaika ba bulan Disember 2017.

    “Aku arap bendar bayar insentif khas tu deka terus meri motivasi ngagai pengereja pengawa opis perintah kitai terus nyulut dalam pengawa nyendia tauka meri servis,” ku iya, kemari.

    Abang Johari ti mega menteri wang enggau pengatur ekonomi mansutka peneranag nya lebuh ti nyimpul jurai ba hari kepenudi aum kunsil nengeri (DUN), aum kedua penggal kedua aum kunsil nengeri Sarawak Ke-18 ke diatur ba Kompleks DUN ditu.

    Nitihku iya, betaun ke udah servis Sarawak ngayanka penyulut taja pan penyampau pengereja pengawa semina 22,549 iku ti nyengkaum piak kaunsil kandang menua enggau opis ke bekanun.

    Penyulut nya ngayanka penyikar pengereja pengawa opis perintah taja pan betapi enggau pemar maya bejalaika mayuh bengkah projek enggau program ngelama tu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads