Sikap diri ngena penemu dikena napi Revolusyen Industri 4.0 - Berita Iban Online

Header Ads

  • Baru Nyadi

    Sikap diri ngena penemu dikena napi Revolusyen Industri 4.0

    Dato Sri Michael Manyin
    KUCHING: Raban graduet dilalau nyikap diri ngena penemu sereta pengelandik dikena napi Revolusyen Industri 4.0.

    Menteri Pekara Pelajar, Sains enggau Pansik Teknologi Dato Sri Michael Manyin madah pekara nya berat laban bengkah pengelandik ke diguna ba Revolusyen Industri 4.0 enda sebaka enggau 2.0.

    Ku iya, Perintah Sarawak udah netapka pemutus deka nyingkang ari 2.0 ngagai 4.0 ngambi ulih angkat nyadi menua mansang.

    “Sarawak enda ulih nyeliah ari nyingkang ngagai Revolusyen Industri 4.0 ketegal tu mih bengkah industri dunya maya ke diatu.

    “Berindik enggau nya, graduet meseti nyikap diri enggau penemu sereta pengelandik dikena napi ubah nya ke alai semua pengawa bepelasarka teknologi moden,” ku iya.

    Manyin mansutka jaku nya lebuh bejadi Konvokesyen Ke-16 Institut Teknologi Maklumat Nusantara (NIIT) kemari.

    Iya nambah, Revolusyen Industri 4.0 deka nempa mayuh pengawa puang lalu tuduh penemu sekeda orang ti madah industri nya deka ngujungka mayuh orang gawa nadai batang pengawa jemah ila enda amat.

    “Industri tu deka nempa batang pengawa ke baru ti lebih efisyen bepelasarka guna teknologi moden,” ku iya.

    Ngenang kaul ke sama, Manyin mega ngelalau raban graduet nampung pelajar sida ngagai ikas ke tinggi agi.

    Bisi 64 iku graduet NIIT nerima setipikit (Diploma) ke disua Manyin ke diatur di Auditorium Palan Pemadah Islam Jalai Ong Tiang Swee ditu.

    Bela datai Presiden ke mega Mandal Canselor Universiti Infrastruktur Kula Lumpur (IUKL) Prof. Dr Roslan Zainal Abidin, Sapit mandal Canselor Assoc. Prof. Dr. Christiantine Della, Direktor Besai NIIT Anderson Voon enggau Ketuai Eksekutif NIIT Micheal Tiong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads