Header Ads

  • Berita Tebaru

    Siku orang tuai kena strok mujur diselamatka raban bomba

    DIKATUNG : Raban bomba enggau sida sebilik benung ngatung orang tuai nya.
    BINTULU: Siku indai tuai orang kena penyakit strok maya iya benung ngiga upa enggau lauk babas ba Kilometer 15 Jalai Bintulu-Miri lama ditu lemai ensanus.

    Taja pia, indu nya Sai Aji, 64, mujur diselamatka raban bomba ke berumban ngesah iya pengudah nerima kangau urung pukul 3.55 lemai ensanus.

    Raban Bomba enggau Penyah Penusah Zon Bintulu ke ngesah penusah nya bisi lapn iku nepan sebuah entukar EMRS.

    Sida datai ba palan penusah nya pukul 4.31 lemai lalu ngatung orang tuai nya ari kaki bukit nyentuk operasi tembu pukul 5.48 lemai.

    Ripot ari Komander operasyen, PBK II Mustapha Wasli ke ngulu pengawa ngesah nya madah sida datai ba palan penusah lalu tepedaka siku indai tuai orang udah kena strok ba babas nya.

    “Raban kami mujur mai iya pansut ari babas ngena `basket strecher’ enggau tali,” ku iya.

    Udah nya, iya dibatak kami ngena `basket strecher’ ngagai punjung bukit ke nuju ngagai jalai besai sebedau diserah ngagai paramedik ngena ambulans.

    ke Sepital Bintulu awak diperubat lengkas. Sekeda sida sebilik bela mantu ba palan penusah nyadi. #UtusanBorneo

    No comments

    Post Top Ad