Sitak Julau mengkang suntuk penyikap perengka guna - Berita Iban Online

Header Ads

  • Baru Nyadi

    Sitak Julau mengkang suntuk penyikap perengka guna

    Rolland Duat anak Jubin
    KUCHING: Urung enam puluh peratus sitak Julau bedau bisi penyikap infrastruktur baka ai paip enggau elekterik, jalai enggau sepital.

    Kaban Kunsil Nengeri (ADUN) Meluan, Rolland Duat anak Jubin madah, bedau lama tu tadi Menteri Besai Datuk Seri Najib Tun Razak, maya mantaika Bajet 2018 udah ngungkupka RM1 bilion ke Sarawak, dikena ngemanahka agi sekula ti udah tuai tauka ke udah jai nengah ‘Sistem Bangunan Berindustri’ (IBS).

    “Beratika bajet nya endang diungkup kena ngaga sekula tauka ngemanahka agi sekula ti tuai tauka ke udah jai, kami minta sekula ba sitak Julau mega diampitka dalam bajet nya, nyengkaum disikap enggau perengka infrastruktur ICT,” ku Rolland.

    Iya madah munyi nya lebuh nimbal Bajet 2018 di Aum Kunsil Nengeri ditu, kemari.

    Kelimpah ari sekula, iya minta Opis Menteri Utiliti ngaga sebuah ‘High Level Pressure Water Tank’ di Bukit Agu, Julau ke deka meri pengelantang pendiau ngagai 10,000 ruang bilik, ku iya.

    Iya mega minta Opis Menteri Pemansang Infrastruktur enggau Perengka Pengangkut, ngaga jalai ke SK Nanga Entaih, SK Ulu Entabai enggau Rh Sang di Rantau Chire, Ulu Entabai ke sepenyauh 16km ke deka ngelantangka pendiau 3,000 iku mensia mayuh ari 60 buah rumah panjai ba kandang menua nya.

    Nandu nya baru, Rolland minta opis menteri ke sama  ngaga jalai ari SK Nanga Meluan nuju SK Nanga Maong lalu ngetu naka SK Nanga Ju ke sepenyauh 12km ti deka meri pengelantang ngagai seribu iku mensia mayuh ba menua nya.

    Ku iya baru, bekaul enggau infrastruktur sepital di sitak Julau, tanah endur ngaga sepital Julau udah disediaka lalu semina nganti Opis Menteri Kandang Menua (PBT) ngenyampatka agi pengawa ngaga sepital nya.

    “Palan pengerai di Julau diatu udah jai sereta kurang perengka guna dikena berubat lalupenyampau staf pan enda chukup dikena napi penyampau tubuh ke majak nambah di Julau,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads