Header Ads

  • Berita Tebaru

    Skolarsip ungkup pengarang berita deka nampung pelajar disambut manah

    SEMUA PEMENANG: Abang Johari (tengah) begambar enggau bala pengarang berita ke bisi menang gelar-gelar KJA 2017.
    MIRI: Pengarang Berita menua tu nyambut timbal Kepala Menteri Datuk Patinggi Abang Johari Tun Openg enggau manah, lebuh Kepala Menteri madahka Yayasan Sarawak deka nyendiaka sekularsip tauka bantu wang ke pengarang berita ke deka nyambung pelajar sida iya belajar di menua tu tauka di menua luar.

    Abang Johari lebuh ngepunka atur pengawa ‘Kenyalang Journalism Awards 2017’ (KJA 2017)di Miri malam kemari madahka, iya nyambut sadang ari Serakup Pengarang Berita Sarawak (FSJA) deka nganjung pengarang berita ari menua tu nyambung pelajar sida iya di menua tu tauka di menua luar, lalu di spunsa ulih Yayasan Sarawak.

    “Aku deka ngasuh Yayasan Sarawak meri spunsa ngagai pengarang berita ke deka ngambi kus, nyangka nya ba ‘Institute of Journalism’, ke ulih alai ngambi setipikit, (post graduate studies) ngemanahka agi pengawa pengarang berita.

    “Beri dua iti nama ngagai aku, bepun ari taun baru tu ila, Yayasan Sarawak deka nganjung dua iku pengarang berita belajar tauka ngambi kus pengarang berita,” ku iya.

    Ba atur pengawa KJA 2017 malam kemari, pengarang berita ari Utusan Borneo, The Borneo Post enggau See Hua Daily entara surat berita ke ‘nyapu beresi’ gelar pekit KJA 2017 ti digaga di sebengkah hotel entarabansa ditu, malam hari Satu tu tadi.

    Gelar pekit nulis dalam Ekonomi Digital ke pemungkal iya digaga, atas peminta Abang Johari di menang ulih (kategori Bahasa Melayu di Utusan Borneo Miri) Steve Annuar (champian), Borhaniza Ali Basah (lumur tiga), lalu ba Jaku English, dimenang ulih The Borneo Post, nengah Rachel Lau Ker Qing (Champian), Yvonne Tuah Merawin (lumur dua) lalu dalam kategori Jaku Iban, Utusan Borneo, di menang ulih Lina anak Kunjak (nengah artikel Ekonomi Digital Pelasar Manah Dikena Ngerandang Dunya Dagang) sereta Jacqueline Radoi David (nengah artikel Ekonomi Digital bersiri), Ekonomi Digital Teknologi Ungkup Pemaik Komuniti (Siri 1), Pemansang Dunya ICT Mai Ubah Dalam Pengidup (Siri 2) enggau Pemansang Sosio-Ekonomi Nengah Dunya Digital Nyungkak Pemisi SME.

    Ke semua gelar sereta perais nya malam kemari, diberi ulih Kepala Menteri empu.

    Ba gelar ke pengabis besai, iya nya Gelar Kepala Menteri dimenang ulih Rintos Mail (The Borneo Post) lalu kelimpah ari nya, pengarang berita bukai ke sama bisi teulih pemenang ari The Borneo Post, iya nya Peter Sibon, Jude Peter Toyat, Raymond Tan Chok Hui.

    Ba Gelar Ripot Berita Bahasa Melayu, lumur satu dimenang ulih gempung tiga iku pengarang berita, Clare Cinderella, Rosemarie Kembang Buma, enggau Steve Annuar.

    Lalu ba gelar ripot Jaku English, dimenang ulih (champian) Eve Sonary Heng, enggau Jonathan Aaron Chia, lalu nengah Jaku Mandarin dimenang ulih Siaw Geok It, Chua Chin Mei, Chia Shu Kiong, Yek Choo Eng, Ting Nguk Ding enggau Ho Toh Kai.

    Ba endur kedua enggau ketiga dalam kategori Jaku Iban, dimenang ulih Lina Kunjak (nengah artikel ke ditulis iya, Rurun Pengawa Bumai Betaun Ada ke Menua Batang Rajang) enggau Judan Bungap (nengah artikel iya, Pengawa Ngabas Salong Lang Ngindang Dikemujur Dikena Ngamatka Kenyap Susan).

    Kategori ripot bekait enggau Lumba enggau Main dalam Bahasa Melayu dimenang ulih Harry Illias enggau Steve Annuar (lumur satu enggau lumur dua) lalu ba kategori tu dalam Jaku English dimenang ulih Jude Peter Toyay, Rintos Mail enggau Philip Wong Sing Hee, lalu ba Jaku Mandarin, dimenang ulih Tan Chan Thai.

    Ba Kategori Pengarang Berita (Mampan) dalam jaku Bahsa Melayu, dimenang ulih Steve Annuar, enggau ba penuduk lumur tiga, Nick Fletcher anak Neha, lalu ba kategori Jaku English dimenang ulih (champian, lumur dua enggau lumur tiga), Peter Sibon, Cecilia Sman enggau Lai Pek Sian.

    Gelar Pengarang Berita dalam kategori Ekonomi enggau Bisnes, ba Bahasa Melayu dimenang ulih Dayang MAstura Ismail (lumur dua), Jaku English dimenang ulih, Rachel Lau Ker Qing (champian), Ronnie Teo Teck Wei (lumur dua) enggau Jude Peter Toyat (lumur tiga).

    Kategori Gelar Pemansang Menua Pesisir enggau Pengelikun Komuniti, ba kategori Bahasa Melayu dimenang ulih Dayang Mastura Ismail, lalu ba kategori Jaku English dimenang ulih, Rintos Mail, Jane Moh Hwe May enggau Jude Peter Toyat.

    Ke penudi iya endar, gelar Pengarang Berita ba pekara bekait enggau Foto, ba penuduk champion enggau ketiga dimenang ulih Teo Chi Wei enggau Hii Yii Yii ari See Hua Daily.

    KJA 2017 bela di spunsa ulih spunsa besai baka Petronas, Sarawak Energy (SEB), Shell,enggau Perintah Menua.

    Sama bisi enggau ngulu atur pengawa nya kemari, bini Kepala Menteri, Datin Patinggi Dato Juma’ani Tunku Bujang, Menteri Opis Kandang Menua enggau Pengawa Berumah, Prof Datuk Dr Sim Hui Kian, Sapit Speaker Kunsil Nengeri, Datuk Gerawat Gala, Menteri Muda Pengawa Dagang Temuai, Seni enggau Main Asal, Datuk Lee Kim Shin, Menteri Muda Opis Kandang Menua (PBT) Datu Penguang Manggil, ex-Kepala Menteri Datuk Patinggi George Chan Hong Nam, chairman Serakup Pengarang Berita Sarawak pampang Miri, Andy Jong enggau sekeda pemesai bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: