Header Ads

  • Berita Tebaru

    Terima kasih perintah

    Ahmad Malie
    KUCHING: Kesatuan Guru Bumiputera Sarawak (KGBS) beterima kasih ngagai perintah nengah Opis Menteri Pelajar Malaysia (KPM) laban ti deka nyikap semua pengajar ngena kereban teknologi iya nya ‘tablet’ sebedau bulan Jun 2018.

    Presiden KGBS, Ahmad Malie ti ngarika gerempung nya madahka pengaga ati sereta nyambut manah atur perintah ti deka nyendiaka tablet ngagai semua urung 430,000 iku pengajar di serata menua enggau enda bebayar.

    Ahmad ngarapka kereban nya ulih diberi tumu agi sereta ukai reti iya raban pengajar enda ulih tebelika nya tang laban nya udah disemaya sereta udah bisi ungkup belanja.

    “KGBS nyambut manah atur pengawa KPM di deka ngagihka tablet nya ti nyadi kereban dikena mantu sereta dikena ngangkatka kualiti dalam proses ngajar enggau belajar pengajar di serata menua ti dipelabaka ulih diagih abis laun bulan Jun taun baru.

    “KGBS ngarapka ulih tembu disadung semua sebedau timpuh ke udah disemaya laban tu udah lama betangguh. KGBS ke minta nya dikelengkas ukai ketegal enda ulih meri ke diri empu tang laban perintah besemaya sereta besedia ngungkupka belanja ke tuju nya.

    “KGBS meri terima kasih ngagai KPM laban ti deka chakah nyikap pengawa ngagihka tablet nya ngagai raban pengajar sebdau timpuh ke ditetapka,” ku iya.

    Ahmad meri penerang nya ngagai Utusan Borneo lebuh ke ngenang pasal pengawa deka ngagih tauka nyadung Tablet enggau enda bebayar ngagai 430,000 iku pengajar serata menua sebedau bulan Jun taun baru.

    Ba Dewan Rakyat apin lama, Sapit Menteri Pelajar Datuk P. Kamalanathan madah, naka ke diatu (23 November) bisi 182,712 unit tablet ti berega sepenyampau RM152 milion udah diagihka ngagai pengajar ba sekeda nengeri nyengkaum Sarawak, Kuala Lumpur, Labuan, Putrajaya, Selagor enggau Perak. #UtusanBorneo

    No comments

    Post Top Ad