Tetiap JKKK di nengeri tu patut ngemeratka pelajar nembiak redak - Berita Iban Online

Header Ads

  • Baru Nyadi

    Tetiap JKKK di nengeri tu patut ngemeratka pelajar nembiak redak

    Datuk Masir Kujat
    SRI AMAN: Sapit Menteri Dalam Menua, Datuk Masir Kujat ngansak semua kaban Komiti Pemansang Enggau Pengelikun Genturung Pendiau (JKKK) di nengeri tu patut seruran ngemeratka pekara pelajar bala anak sida.

    Nitih ku iya, udah nyadi tanggungpengawa JKKK meri penerang ngagai bala kaban sida pemesai guna meri pelajar pemadu manah ngagai bala anak sida kelimpah meri pemerat ba agenda pemansang bukai.

    “Ba pengawa semua kitai nyediaka diri datai ba taun 2020 ila, bala anak kitai patut disikap bemacham penemu ti chukup laban nadai pelajar sida deka tinggal dalam arus pelajar menua.

    “Meseti dikeingat mega, JKKK di tetiap genturung pendiau tauka di rumah panjai patut bejalaika pangku pengawa ba pekara tu, laban bala anak kitai il nyadi reta pemadu berega menua lalu sida tu mih deka nyadi bala ketuai menua jemah,” ku iya.

    Iya ke mega nyadi Kaban Parlimen (MP) Sri Aman mansutka jaku nya lebuh bejaku ba Program Pemesai Begulai Enggau Rayat di Rumah Kunsilor Angin, Keranggas Pantu semak ditu.

    Nitih ku iya, menua endang begunaka raban bepenemu dikena ngemansangka nengeri tu dudi hari sereta datai ba taun 2020 ila tetiap ruang bilik dikearap abis nadai nempa siku graduet.

    “Nyema kitai enggai nganjung anak besekula, ngiri penemu, baka ni nasit sida datai ba taun 2020 ila?

    “Tentu sida deka tinggal ari ngasaika arus pemansang menua,” ku iya.

    Berebak enggau program nya, Masir bisi ngemendarka agih belanja penyampau RM30,000 ngagai JKKK sereta RM 5,000 da agi ngagai Biro Indu rumah panjai nya dikena bejalaika aktiviti ninting taun sida. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads