The Right Reverend Danald keterubah nemuai ke Sibu pengudah nyadi Bishop Gerija Anglikan Sarawak, Brunei - Berita Iban Online

Header Ads

  • Baru Nyadi

    The Right Reverend Danald keterubah nemuai ke Sibu pengudah nyadi Bishop Gerija Anglikan Sarawak, Brunei

    SELAMAT DATAI: Raban gerija nyambut penatai Danald ngulu pengerami makai lemai.
    SIBU: Bishop Gerija Anglikan Sarawak enggau Brunei Darussalam The Right Reverend Danald Jute udah nemuai dua hari ke Sibu, hari Enam tu tadi.

    Sepengudah datai pagi nya, iya disempulang Paderi Gerija Anglikan St John Sibu Reverend Ramdan Mejem, Sub Deacon Obed George sereta bala bukai ngabas taba Gerija Anglikan Sibu Jaya (SJEC) di Sibu Jaya.

    Nangkan ke program nya, Danald merekat ke pengawa betetap ngagai 59 iku orang ke baru masuk sembiang Anglikan di Gerija St John, Jalai Tun Abang Haji Openg ditu pukul 2 lemai.

    Muak ke malam, raban Anglikan ditu ngerami penatai Danald ti nyadi Bishop Ke-14 Gerija Anglikan Sarawak enggau Brunei Darussalam ke Sibu ti keterubah sepengudah dichiri megai penuduk nya bulan Ogos tu tadi.

    Pengawa ngerami penatai Danald tu diatur bereta enggau pengerami makai lemai Gerija St John ba Hotel Kingwood lalu digulu lebih 500 iku.

    Archdeacon Gereja Anglikan Utara Sarawak Venerable Canon Jamal Senada, chairman komiti pengatur Obed George sereta bala dipebasa ke bukai bela datai maya pengerami nya.

    Ba pengerami tu, siku orang korporat ti mega siku ari pengarap Anglikan Datuk William Tiu bisi nyuaka pemeri minyak ke berega RM10,000 ngagai Gerija St John alai rega minyak nya deka dipulaika ngagai gerija.

    Hari siti, Danald ngetuaika sembiang missa hari Minggu ba Gerija St John pukul 8 pagi.

    Udah nya iya merarau ba rumah William Tiu sebedau mupuk ngalihka lemai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads