Tiong ngansak perintah nengeri ngaku BI sebaka tikas enggau jaku Melayu - Berita Iban Online

Header Ads

  • Baru Nyadi

    Tiong ngansak perintah nengeri ngaku BI sebaka tikas enggau jaku Melayu

    Dr Ting Tiong Choon
    MIRI: Kaban Kunsil Nengeri (ADUN) Pujut Dr Ting Tiong Choon ngansak Jaku Inggeris (BI) ke nyadi jaku kedua rasmi perintah nengeri diaku sebaka tikas enggau Jaku Melayu (BM).

    Nitihku iya, pekara jaku rasmi kedua nya dipejalaika perintah nengeri, piak kaunsil kandang menua, opis enggau ejensi perintah dalam ngemansutka surat enggau notis rasmi.

    “Ex-Kepala Menteri, Pehin Sri Adenan Satem maya agi idup chukup kering penemu dalam ngangkatka jaku Inggeris seriris enggau jaku Malaysia betuju ngemeranka agi pengawa nguna jaku nya ba rayat Sarawak.

    “Tang naka utai ke dipeda aku diatu, perintah nengeri enda bebendar neruska pengawa Tok Nan iya nya nadai nguna jaku Inggeris nyadi pelasar rasmi ba dokumen perintah,” ku iya rambau aum media di Indu Opis DAP, ditu ensanus.

    Bela bisi datai Sekretari DAP Sarawak Alan Ling enggau Ketuai Nembiak DAP Miri Peter Hii.

    Nitihku Ting, usul nya enggau isu tu deka dibantika iya maya aum DUN ke deka berengkah 8 ngagai 17 November tu.

    “Nengah usul ke dibantai tu dikearap DUN ulih ngaduka semua surat enggau dokumen perintah ila dichelak dalam jaku Malaysia ngagai Inggeris.

    “Tu nyengkaum ripot enggau notis ke bisi dikeluarka perintah patut dichelak dalam dua jaku.

    Ting mega ngarap isu tu nerima sukung ari kaban DUN ke bukai ngambi iya dikemendarka DUN ila. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads