Tumbuhka bomba komuniti ba rumah panjai, genturung pendiau, ku Penguang - Berita Iban Online

Header Ads

  • Baru Nyadi

    Tumbuhka bomba komuniti ba rumah panjai, genturung pendiau, ku Penguang

    Dr Penguang Manggil
    MIRI: Perintah Negeri Sarawak ngemansutka langgur penemu ngambika bala ketuai raban bansa di rumah panjai enggau genturung pendiau numbuhka bomba komuniti ba kandang menua sida empu.

    Menteri Muda Kunsil Kandang Menua Sarawak Datu Dr Penguang Manggil madah, pengawa numbuhka bomba komuniti beguna dikena nyeliahka penusah angus kelebih agi di menua pesisir baka Marudi ditu.

    “Pegawa numbuhka tim Bomba Sukarela mega beguna ba rumah panjai enggau genturung pendiau ke diuan mayuh peranak sereta jauh ari Balai Bomba enggau Penyelamat,” ku iya lebuh bejadi Bomba Komuniti Marudi di Rumah Panjai George Ijus Jawa di Genturung Pendiau Kejaman, Baram ditu ensana.

    Ku iya, Rumah Panjai George Ijus Jawa endang patut numbuhka tim Bomba Sukarela laban rumah panjai nya bisi 76 pintu sereta diuan lebih 600 iku peranak.

    Pengawa numbuhka bomba komuniti nya bisi bekaul enggau palan baka rumah panjai tauka genturung pendiau ke alai ba seswbengkah palan nya diseretai 10 iku ke diberi pelasar latih pasal bomba.

    Bomba sukarela mega meseri direjista enggau Opis Ngerejista Gerempung (RoS) ke alai sida diberi latih sebaka enggau tim bomba, dibekal enggau kereban nyegkaum pam ai sereta entukar ngambika mudah beoperasi. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads