Tumbuhka sebuah universiti di Betong, ku Rentap - Berita Iban Online

Header Ads

  • Baru Nyadi

    Tumbuhka sebuah universiti di Betong, ku Rentap

    Gerald Rentap Jabu
    KUCHING, Nov 14: Kaban Kunsil Negeri Layar, Gerald Rentap Jabu kemari minta perintah numbuhka sebuah universiti di Betong.

    Ku iya nerang, tu setipak enggau pekara bekaul betanam betupi, ngaduka pengawa sereta pansik saintifik.

    “Tu setipak enggau juluk Kepala Menteri, Datuk Patinggi Abang Johari Tun Openg ti deka ngemansangka agropolitan Bukit Sadok,” ku iya.

    Enti bisi universiti nya ku iya, pansik sentang utai tanam enggau penengkeman tanah, pansik enggau pemansang chara betanam betupi ke pemadu manah sereta ngawin ulih dipejalaika.

    Seriris enggau betanam betupi digital sereta nguna sensor, bungkur internet ba endur nya mega patut dikemanahka enggau lengkas, tambah iya.

    Dikena ngemujurka proses betanam betupi digital ku Gerald, palan inkubator enggau hub inovasi mega patut diumbuhka ditu kelimpah ari palan ngumpul sereta ngelakuka produk.

    “Setipak enggau juluk Kepala Menteri mega, aku deka minta Opis Betanam Betupi mantu ngiring rebak biak orang bumai enggau bekebun ngaul diri dalam bidang fertigasi enggau hidroponik.

    Iya ngarapka nengah pemisi tanah,puku, latih enggau lalau ari pakar, bala orang bumai enggau pekebun sereta orang dagang ulih ditempa lalu agropolitan Bukit Sadok deka nyadi pemekal produk ngagai makit digital Sarawak ngagai dunya luar. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads