Tumbuhka ‘Taman Kekal Pengeluaran Makanan’ di DUN Meluan, ku Rolland - Berita Iban Online

Header Ads

  • Baru Nyadi

    Tumbuhka ‘Taman Kekal Pengeluaran Makanan’ di DUN Meluan, ku Rolland

    Rolland Duat anak Jubin
    Dikena ngenegapka tikas sosio-ekonomi komuniti ba sitak Julau kelimpah muka ‘one stop centre’ ba ATC ditu.

    KUCHING: Sitak Julau tebilang nyadi pengeluar komoditi lada ke bekualiti.

    Kaban Kunsil Nengeri (ADUN) Meluan, Rolland Duat anak Jubin madah, dikena ngenegapka agi sosio-ekonomi komuniti ba sitak Julau, iya minta Opis Menteri Betanam Betupi enggau Ekonomi Menua Pesisir numbuhka ‘Taman Kekal Pengeluaran Makanan’ di DUN Meluan.

    “Buah Rian Musang King manah amat ditanam ba sitak tu laban beratika peminta domestik enggau ari menua luar baka China ti manah endar,” ku Rolland madah maya nimbal bekaul enggau Bajet Taun 2018, Aum Kedua Penggal Kedua Aum Kunsil Nengeri ke-18 ditu, kemari.

    Kelimpah ari nya, iya minta perintah nengeri ngaga siti palan endur ngumpul asil umai tauka kebun ba Palan Latih  Betanam Betupi (ATC) ke deka nyadi ‘one stop centre’ ke lalu nyadi palan nyual asil pasar enggau kebun ari sitak Julau.

    “Palan tu ila (enti ditumbuhka) enda tau enda  disikap ngena perengka guna ICT ngambika orang dagang ari raban ke bekebun ulih ngena aplikasyen ‘online’ ngelaku sereta nyual produk sida ngena ‘e-wallet: Sarawak Pay’ ke baru dipunka Kepala Menteri tu tadi,” ku iya.

    Ku iya baru, madahka ari nyadi palan ‘one stop centre’, palan tu mega tau diangkat nyadi ‘Incubation Centre’ ngambika ulih meransang orang bukai, ngelatih, nyukung sereta nempa eUsahawan Desa ari menua pesisir, ku iya.

    Rolland mega minta Opis Menteri Betanam Betupi enggau Ekonomi Menua Pesisir mantu komuniti di Julau ngemansangka industri nupi babi.

    “Pengawa tu betuju kena nampung peminta domestik ke besai sereta peminta ari menua luar baka ari Singapore, Taiwan enggau China.

    “Industri nupi babi engkeman endar dipejalaika di Julau laban 100 peratus komuniti ke nguan sitak tu bansa Iban ke ukai bepengarap Islam,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads