Header Ads

  • Berita Tebaru

    Ugak udah nyuaka bantu RM20,000 ngagai Rh Jarraw enggau Rh Gawan

    Datuk Wilson Ugak Kumbong
    KAPIT: Penusah ke ditapi Rumah Jarraw Sulang enggau Rumah Gawan di Lepong Balleh, Jalai Melekun ti udah ditinggang penusah tanah tusur, empai lama mengkang dikenatika Kaban Parlimen (MP) Hulu Rajang Datuk Wilson Ugak Kumbong.

    Serak tu iya nyuaka tulung RM20,000 dikena nyungkur tanah enggau ngaduka endur ke ditinggang tanah tusur nya.

    Bantu tu disuaka disuaka pengari iya Anyi Kumbong.

    Dulu agi ari tu, iya kala meri RM2,000 ngagai dua buah rumah panjai nya dikena bebelika barang dapur seninjik iya nemu berita nya.

    Kelimpah ari nyauka bantu nya, Anyi disempulang Pemesai Opis Pelilih Menua Bukit Mabong Douglas Pungga enggau Pemesai Opis Bomba Kapit Erwandy Tugor ngabas endur ke ditinggang tanah tusur nya.

    Penusah tanah tusur tu nyadi dini hari kena 23 November tu tadi ti dipelabaka tusur laban hari ujan semalam-malam sebedau penusah nya nyadi. #UtusanBorneo

    No comments

    Post Top Ad