UPP mega patut dikemerat ba PRU14 - Berita Iban Online

Header Ads

  • Baru Nyadi

    UPP mega patut dikemerat ba PRU14

    ANANG ENDA INGATKA UPP: Wong (tengah) bejaku ngagai pengarang berita di Komplek DUN kemari.
    KUCHING: Parti Rakyat Bersatu (UPP) pechaya ngembuan chalun potensial ke ulih menang dikena napi Pengawa Bepilih Besai Ke-14 (GE14).

    Berindik enggau nya, Presiden UPP Dato Sri Wong Soon Koh ngarap UPP bela dikemerat ba PRU14, ke alai UPP mega sebagi ari parti dalam gempung, kaling Barisan Nasional (BN) Nengeri.

    “Ngasuh ati alit SUPP kelebih agi presiden Datuk Dr Sim Kui Huan madah gempung BN nengeri semina diarika empat parti aja.

    “Iya (Dr Sim) suah bejaku madahka SUPP deka nyabung chalun ba semua tujuh penuduk (sitak parlimen) ba pengawa bepilih ti deka datai.

    “Baka ke enda ingatka UPP mengkang tegap sereta kering kelimpah ti diarika lima iku pengari rayat ti mangku pengawa menteri sereta pemesai perintah,”ku iya.

    Wong mansutka jaku nya ba aum pengarang berita maya Aum DUN ke diatur di Komplek DUN ditu, kemari.

    Ku iya nambah, UPP ngembuan sukung tegap di menua pesisir lalu pia mega di kandang mengeri.

    “Ungkup penuduk DUN di menua pesisir kitai bisi Dr Johnical Rayong (Engkilili), Dr Jerip (Mambong) enggau Ranum di Opar.

    “Kelimpah ari nya UPP mega bisi pengari ba kandang mengeri iya nya aku enggau Datuk Tiong Thai King di Dudong,’ku iya nambah.

    Tajapia Wong madahka semua pemutus sentang bagi chalun ti deka ngarika BN dilempaika ba kepala menteri enggau menteri besai.

    Iya ke berat ku iya nambah, chalun nya meseti dikerindu sereta nerima sukung ke tegap ari rayat.

    Iya mega setuju enti chalun nya ila deka ngarika kededua UPP enggau SUPP ke dikumbai chalun ‘ideal’ ungkup pemaik BN.

    Nyaut tanya pengarang berita nyema UPP enda diarika chalun ba GE14, Wong madahka pemutus nya tetap diterima ungkup pemaik BN. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads