Header Ads

  • Berita Tebaru

    Adat melaki-bini enggau tips ngelala menantu

    Gambar dikena ngias aja
    Adat kitai iban jadi melaki-bini, enda milih umur alai tau bebini, belaki enda tentu temu nitih ka peneka, sigi amat ga adat kitai Perintah abis biak alai tau belaki bebini umur bebelas taun.

    Salah jaku seleka.. Ukai diajih sema iya ke udah jadi belaki bini tau nemu sarak.. Nemu nya diserara ke antu.. Tau ke nadai agi jodoh ba pengidup seduai iya ngetan ke semaya janji ti dulu suba.. Tang semua nya udah diatur petara magang pemujur siku-siku mensia ba pengidup.

    Sentang pengidup ke deka niri ke rumah tangga.. Baik indu tau ka lelaki ti udah kala niri ka rumah tangga nadai salah sida deka ngiga bini tau ke laki ti baru.. Laban semua kitai ke idup ba dunya tok berhak ngiga tawing idup seagi-agi kitai idup ba dunya nyaga maya sakit tau ka suntuk.

    Pengerindu kitai mensia ba dunya tu sigi mayuh penguji, kekadang urang ke deka jadi melaki bini nemu enda ulih jadi.. Ukai nama kes bakatu tau nyadi ianya mayuh dipansik ketegal siku-siku mensia tu enggai meda pengidup urang nya bulih laki.. Bulih bini.. Bulih menantu ka meruan.. Diak kisah lama penyilap urang nya suba dibantai kena bejaie urang ke deka niri ka rumah tanga... Sedangkan pemanah urang ke deka berumah tangga nya tadi sigi lama udah berubah.. Ambi ka chunto..

    Semua urang rindu meda ulah indu.. Tau ka lelaki.. Laban ketegal iya selalu nulung mantu urang bisi penusah... Lempung ati. Enti iya jaie pelaba ku nadai siku mensia merening tau ka nyapa iya... Salah jaku seleka.. Ni mensia ka nusi jerita jaie nyak tadi iya sigi tulah smpai ba pengujung pengidup laban dosa iya nyerara ka pengrindu siku-siku mensia ke deka jadi ba mua tuhan TETAP SIAL...

    Nya alai kitai ke empu anak.. Ke deka nerima menantu patut bepikir positif ukai negatif laban kitai suba pan kala ba situasi bakanya.. Bakanya entua kitai nerima kitai maya nadai reta bakanya meh jalai ke patut dititih kitai.. Sapa enda sayau ke anak..

    Siku-siku mensia sigi bedau temu pemujur pengidup begulai, nya alai kitai ke apai indai arus nemu nunjuk ka jalai kena anak tua idup..baik ka menantu bedau bisi kerja..nadai reta tengkira baka rumah.. kereta.. tuai ari segi umur, enda bajik.. Enda sigat... Nadai duit juta enam ba bank.. Kada enda mayuh gi ga duit urang.. Mina urang enggai bebunyi...

    Enti ulih semua nya tikau tua ka belakang.. Ukai nama jako kenya ti ulih beri ka meh pengaga ati tua laban tua bulih mensia ka deka nguai ngagai ruang bilik kitai.. Regas bebela.. Betulong maya tua suntuk.

    Diatu amat kitai ego meda semua duit ringgit.. Reta tengkira tua mayuh.. Tang siti kitai patut berpikir panjai.. Umur tua majak tuai.. Tua mati bila-bila masa Tuhan narit.. Diatu .. Lusa engka gintir tua.. Anang majak ka ego kitai.. Ti ulih beri meh peluang ngagai menantu tua.. Laban pengidup tua niri ka rumah tangga suba pan pedis.. patut dikingat tuhan bila-bila masa narit pemeri iya nya. Anang terlalu ngukum anak menantu.

    ENTI ULIH ANANG DULU MERI JAKO JAIE NGAGAI BAKAL MENANTU ENGGAI KE TUA TULAH.. LABAN SEMA TUA DIKALIH KA PETARA DUDI ARI.. MENANTU TUA ULIH NUNDA CARA KA JAIE NYAGA TUA MAYA TUAI DUDI ARI ILA. "ANANG NGAJAR MENANTU JAIE".

    TIPS NGELALA MENANTU

    1. Enti tua ka ngelala bakal menantu tua, asuh meh anak tua maie iya bejalai ka rumah.. Baie makai.. Baie berandau.. Baie manggang kini.. Ukai ninga ari jaku sepiak urang bukai.. Nadai penguntung ti tua pecaya ke jako urang ari urang ke empu tubuh.. Enggau cara nya ati tua pan nyamai sema tua ka apai indai udh ngelala pangan anak tua empu.

    2. Anang guai ninga jako urang bukai laban nyak nanda ke tua ukai urang ke professional ba era taun ka maju. Gaul meh menantu baka tua berandau enggau anak.

    3. Anang dulu mikir pengaya reta.. Laban tua mati pan duit juta enam sigi enda ulih dibaie ba entubung enda alah diengkubang urang. CUKUP ENTI MENANTU KA MANAH MELI KA TUA ENTUBONG.. Pikir positif aja enggai ka maia tua suntuk urang ka dipejaie tua baka menantu nya tadi ga endur minta saup..

    Ku arap jaku tu ulih muka ati kitai mensia ngambi ulih nerima pengelemi siku-siku mensia. Enda patut iya enda ulih berubah ketegal iya ka niri ka rumah tangga. Anang terlalu betagang cukup aja meri jako peransang pengamat bala anak ka kawin.. Sanggup ngibun maya kitai ka apai indai udah tuai serta maia ke sakit.Pengawa ke manah anang ditagang enggai ke utai ka jaie ga datai nuntung kitai.. Beserah meh ngagai tuhan ngambi pemujur bala anak tua kawin datai sampai ba ujung nyawa.

    PIKIR DALAM-DALAM SEBEDAU TUA MIKIR UTAI KE BEDAU NYADI.. 

    Dikeranjai: #UchuAkiEngkala

    No comments

    Post Top Ad