Anang kiruhka tanggi Pandikar, kitai bisi penemu kediri, ku Abang Johari - Berita Iban Online

Header Ads

  • Baru Nyadi

    Anang kiruhka tanggi Pandikar, kitai bisi penemu kediri, ku Abang Johari

    Datuk Patinggi Abang Johari Tun Openg
    KUCHING: Kepala Menteri Datuk Patinggi Abang Johari Tun Openg enggai kiruhka tanggi Speaker Dewan Rakyat Tan Sri Pandikar Amin Mulia ti mai bejuraika penemu pasal Sempekat Malaysia 1963 (MA63).

    Abang Johari madahka Sarawak bisi penemu ke diri empu pasal pekara nya sereta nadai pematut isu nya dipanjaika.

    Ku iya, juluk iya semina deka neruska pengawa ti udah dikereja ex- kepala menteri kelima ti deka ke hak Sarawak dalam MA63 diberi pulai baru ke nengeri tu.

    “Nama alai patut bejurai..... Anang deka ngemanjaika isu tu. “Tejuka.... Kitai bisi penemu kitai empu.

    “Aku semina deka nerus tauka nampung pengawa ti udah dikereja ex-Kepala Menteri kelima kitai, Allahyarham Pehin Sri Adenan Satem ti deka ke hak Sarawak dalam MA63 diberi pulai baru,” ku iya.

    Abang Johari mansutka penemu nya lebuh ditanya raban pengarang berita bekaul enggau tanggi Speaker Dewan Rakyat, Tan Sri Pandikar Amin Mulia pasal isu Sempekat Malaysia 1963.

    Dulu ari nya iya ngulu Majlis Kesyukuran dan Zikir Maulid nyerumba pengerami Maulidur Rasul ti mega diguluk Pemangku Yang di-Pertua Negeri, Tan Sri Datuk Amar Bujang Mohd Nor ba Masjid jamek Negeri ditu, malam ensanus.

    Apin lama, Pandikar Ami diripot nanggi enda ngira piak nyengkaum Abang Johari nyema deka bejurai di mua mensia mayuh bekaul enggau isu MA63.

    Pandikar Amin madahka, piak ke deka belaban juraika penemu semina madahka jam enggau dini endur jurai nya diatur.

    Nitihku iya, iya sedia deka datai enda ngira maya kelebih agi nerangka fakta bekaul enggau MA63 ti dipusinka sekeda orang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads