Apai indai enggau pengajar dilalau ngambika besaup ngemaju sekula - Berita Iban Online

Header Ads

  • Baru Nyadi

    Apai indai enggau pengajar dilalau ngambika besaup ngemaju sekula

    KE PENGINGAT: Mong benung nyain bup temuai lebuh ke ngulu program merarau di sekula nya bedau lama udah.
    SRI AMAN: Pengajar menua pesisir patut meretika tranformasyen pelajar ngambika ulih maju agi sereta besemekih setipak enggau pemansang menua, pia ku Kaban Kunsil Nengeri (ADUN) Bukit Begunan, Datuk Mong Dagang.

    Ba pekara tu ku iya, tetiap iku raban pelajar patut bekerejasama enggau Gerempung Apai Indai enggau Pengajar (PIBG) ngambika sekula nya ulih nyadi lebih maju sereta besemekih setipak enggau pemansang menua diatu.

    “ Bala apai indai mega patut ngemeratka pelajar anak sida sereta anang kelalu ngelempaika tanggungpengawa sida ba pengajar aja.

    “ Tu laban bala anak kita mih ke ngiring menua jemah ila,” ku oya .

    Iya  bejaku munyi ny a lebuh  bejadi Program Merarau, Sekula Kebangsaan (SK) Engkeranji ditu bedau lama udah.

    Nengah awak nya mega, Mong minta semua bekerejasama mantu perintah dalam pelajar sereta ngembuan ulah ke ‘semadi’ aja sereta anang kelalu bepanggai ba subsidi enggau bantu ari perintah aja.

    Ku iya, perintah udah mayuh mantu nyendiaka mayuh bengkah kereban enggau perengka guna sekula enggau perengka guna pengajar dikena mantu pengajar ngangkatka penyulut sekula.

    Ku iya, pengajar patut nguna peluang nya ngangkatka prestasi sekula nengah chara ngajar sereta nempa modal mensia ti mujur, nyulut sereta tebilang,ku iya baru.

    Sama bisi datai, Injinir Bagi, Opis Kereja Raya (JKR) Bagi Menua Sri Aman, Bujang Kanang enggau kaban exco PIBG sekula ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads