Atur aktiviti dikena mutarka penanggul rama, ku Nanta - Berita Iban Online

Header Ads

  • Baru Nyadi

    Atur aktiviti dikena mutarka penanggul rama, ku Nanta

    Add caption
    KAPIT: Sapit Menteri Pemansang Menua Pesisir enggau Kandang Menua, Datuk Alexander Nanta Linggi minta institusyen jalai pengarap (gerija) ngatur aktiviti dikena mutarka penanggul rama.

    “Pengidup kemaya hari tu mayuh pemar. Mayuh macham penyalah rama dalam komuniti kitai ti patut diperati sereta giga jalai dikena mutarka nya.

    “Ambika chunto, nembiak ngampang, beirupka ai bisa enggau salah guna dadah ti balat mangka kitai. Raban nembiak nyadi orang ke ngaul diri ba penyalah rama tu,” ku Nanta.

    Enda ngira sekalika sida datai ari Gerija Baptist, Anglika, Katholik, Methodist, tauka ke bukai, kitai raban Kristian anang mida pangan diri.

    Aku berasai gaga meda mayuh raban nembiak ngulu sembiang ba gerija lalu aku minta raban Kristian ngena gerija tu nyadi palan mutarka penanggul rama enggau nyaga ruang bilik,” ku iya lebuh ngagai Gerija Baptish Komuniti ditu, bejadika jalai semin 200 meter pemanjai, ari simpang Jalai Bukit Goram nuju gerija baru di bukit ti ulih dipeda ari Sungai Kapit.

    “Nyadi raban Kristian, kitai patut diri ngulu sembiang. Aku meda semua renggat umur bisi datai. Aku minta raban Kristian ngena memanah gerija tu ngintu ruang bilik sida ngelaban penanggul rama, kelebih agi penanggul ngampang enggau salah guna dadah.

    “Atur mayuh bengkah aktiviti ti ngaul raban nembiak ngambi nerenakka pemanah ulah enggau disiplin ngagai sida dikena nyeliahka diri ari penanggul rama. Lebuh sida ngembuan disiplin manah, ulah menuku, sida enda deka ngereja ulah enda manah. Orang besai tuai enggau apai indai meseti beratika ruang bilik dikena nempa pengelantang sida. Intu memanah ruang bilik,” ku Nanta nambah.

    Iya bisi ngemendarka geran perintah 2018 penyampau RM30,000 ngagai Gerija Baptist Komuniti dikena bejalaika projek beripai, RM10,000 ungkup raban nembiak sereta RM10,000 agi ungkup raban indu bejalaika aktiviti sida.

    “Kena memanah belanja ngatur aktiviti ti menyana ungkup bala nembiak enggau raban indu. Ambika chunto, Youth Fellowship Camp ti ngenataika licha pasal pengawa enggau nyadi ketuai dikena mutarka penanggul rama. Atur aktiviti ungkup orang indu nambahka pengelandik sida dikena nyaup belanja diri sebilik,” ku iya ngelalau.

    Pengudah nya, Nanta bejadika jalai semin beungkus RM120,000, 200 meter pemanjai ari simpang Jalai Bukit Goram ngelawa gerija.

    Ba lansa ke bukai, Chairman Ngatur Pengawa Gerija Baptist Komuniti, Nyangun Japung madahka begunan gerija baru beungkus RM 500,000. Pengawa ngaga gerija udah berengkah dalam taun 2016 lalu udah tembu apin lama ke udah. (Letter of Occupation).

    Ku iya, dulu suba bala kaban datai sembiang missa ba ringkat satu, nyuwa lot kedai di Pasar Baru Kapit.

    Pia mega ku iya, infrastruktur enggau penyikap perengka guna bedau tentu chukup. Sida diatu benung ngaga dapur, Kelas Hari Minggu Nembiak Mit nggau Palan Paking Kerita, pagar sereta ke bukai.

    Nyangun meri terima kasih ngagai Sapit Kepala Menteri Tan Sri Datuk Amar Dr James Jemut Masing, Nanta enggau ex-ADUN Pelagus Larry Sng Wei Shien ti udah ngagihka belanja ngagai gerija nya.

    Pastor Eli Layang, Sekretari Peribit Kanan Sapit Menteri Sylvester Insor Lingan, Pemesai Pekara Khas Nanta Ambrose Abong Bugek, Chairman SADIA Kapit Edward Manggah, Kunteriktor Bumiputera Watson Awan, Pemancha Enggin Nyipa, Tuai Rumah John Rambar antara bala ke bisi datai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads