Header Ads

  • Berita Tebaru

    Aum bekaul pemakai menua enggau pulau galau diatur bulan baru

    Datuk Patinggi Abang Johari Tun Openg
    SIBU: Siti aum begulai enggau bala ketuai raban bansa berandau sereta mutarka isu Tanah Adat Bumiputera (NCR), kelebih agi bekaul pulau galau enggau pemakai menoa deka diatur bulan baru.

    Chairman Parti Pesaka Bumiputera Bersatu (PBB) ke mega Ketua Menteri, Datuk Patinggi Abang Johari Tun Openg lebuh ke bejaku bejadi Aum Pengari PBB Zon 8 ensana madah, perintah udah madah ba Dewan Kunsil Negeri (DUN) empai lama, deka ngubah undang-undang tanah ba bulan Mei pengudah beberapa perkara diputuska nyengkaum definisi pulau galau.

    Berebak enggau nya Mandal Presiden PBB ti mega Sapit Menteri Pemansang Menua Pesisir enggau Kandang Menua Datuk Alexander Nanta Linggi ngelalau ketuai tetinggi, mutarka penanggul nya lengkas.

    “Enti penanggul tu enda diputar enggau manah, nya ukai semina deka ngerugi sereta ngasaka raban orang ke nuntut tanah nya, tang mega deka ngeruga sukung ngagai Barisan Nasional,” ku iya.

    Alexander Nanta ke mega Kaban Parlimen Kapit minta ketuai tetinggi ngemeratka isu nya ngambika rayat arapka perintah ulih ngintu sida. #DayakDaily

    No comments

    Post Top Ad