Bansa Bidayuh mayuh bisi potensi nyadi chalun ba PRU14 - Berita Iban Online

Header Ads

  • Baru Nyadi

    Bansa Bidayuh mayuh bisi potensi nyadi chalun ba PRU14

    Datuk Seri Michael Manyin
    KUCHING: Bansa Bidayuh ngembuan mayuh chalun ke bepotensi ti tau enggau ba Pengawa Bepilih Besai (PRU) ke deka datai tu.

    Tu bepelasarka penyampau chalun ke bisi potensi ke nyadi buah mulut deka nyilih penyandang, Datuk Seri Dr James Dawos Mamit ti diberita deka narit diri ketegal penanggul pengerai ba kerusi Puncak Borneo.

    Kemari Mandal Presiden Parti Pesaka Bumiputera Bersatu (PBB) Datuk Seri Michael Manyin madah, bisi nyauka 20 iku chalun ke bisi potensi, ulih nyadi chalun enggau ba pengawa bepilih.

    Tu mega mandangka bansa Bidayuh ngembuan orang ke chukup mayuh tau nyadi chalun.

    Manyin ke mega Chairman PBB Tebedu madah, sesapa ke nyadi chalun Barisan Nasional deka disukung.

    “Aku ukai Kepala Menteri lalu aku mega ukai Menteri Besai, nyadi aku nadai kuasa mantaika nama chalun. Pengawa milih chalun ari baruh kuasa Kepala Menteri enggau Menteri Besai” ku iya. #DayakDaily

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads