Bayar chukai pintu sebedau 29 Disember 2017, ku Peter - Berita Iban Online

Header Ads

  • Baru Nyadi

    Bayar chukai pintu sebedau 29 Disember 2017, ku Peter

    Dato Peter Minos
    KOTA SAMARAHAN: Chairman Majlis Perbandaran Kota Samarahan (MPKS) Dato Peter Minos ngelalau sereta meransang mensia mayuh ti kena bungkur jaga MPKS ke bedau mayar chukai pintu, patut mayar sebedau tauka kena 29 Disember 2017.

    MPKS, naka 30 November 2017 bisi nerima urung 71.10 peratus chukai pintu ke udah dibayar.

    Chukai nya ulih dibayar ba MPKS ‘One Stop Counter’ (opis MPKS) tauka ngena chara ‘online’ nengah Paybills Malaysia.

    “Bekaul enggau chukai pintu 2017, kitai deka semua ke bedau mayar nya patut mayar laban notis pasal pekara tu mega udah dikeluarka.

    “Kami berengkah ari diatu deka terit agi ba atur. Kami enda tentu lantang laban sekeda orang enda ibuhka notis pasal bayar nya.

    “Tetiap kaunsil bepanggai ba urung 98 peratus penyampau asil bayar chukai nya dikena ngemanah tauka ngaga jalai, parit enggau ke bukai,” ku iya.

    Peter mansutka pekara nya dalam aum pengarang berita pengudah nyadi chairman aum penuh MPKS ke diatur ba bilik baum Librari Mensia Mayuh Kota Samarahan ditu, kemari.

    Lebuh ke ngenang pekara bukai, Peter madahka MPKS nyukung penuh atur Opis Menteri Kaunsil Kandang Menua enggau Pengawa Berumah ti enda ngemendarka mensia mayuh ngena kambut plastik enggau styrofoam.

    Ku iya, MPKS deka bejalaika atur ke sama baka ti udah dipejalaika opis kaunsil di Miri, berengkah taun baru.

    “Kami (MPKS) nyukung penuh atur ke dipejalaika opis menteri kaunsil kandang menua enggau pengawa berumah ti enda ngemendarka ngena styrofoam enggau kambut plastik.

    “Taun baru (2018) kami (MPKS) enda ngemendarka pengawa ngena styrofoam.

    “Kami mega deka nunda Opis Kaunsil Miri iya nya enda ngemendarka ngena kambut plastik ninting Hari Minggu,” ku iya.

    Di Miri apin lama, Menteri Kaunsil Kandang Menua enggau Pengawa Berumah Datuk Dr. Sim Kui Hian madahka opis menteri nya bejalaika inisiatif bejadika Kimpin Tetiap Hari Minggu, Nadai Kambut Plastik enggau Tagang Nguna Styrofoam ba semua palan makai enggau sekeda mengeri besai di Sarawak berengkah 1 Januari taun baru.

    Enam PBT iya nya Dewan Bandaraya Kuching Utara (DBKU), Majlis Bandaraya Kuching Selatan (MBKS), MBM, Majlis Perbandaran Sibu (MPS), Majlis Perbandaran Padawan (MPP), Majlis Perbandaran Kota Samarahan (MPKS) enggau Majlis Daerah Serian (MDS). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads