BN ngatur mayuh projek ke pemaik rayat - Berita Iban Online

Header Ads

  • Baru Nyadi

    BN ngatur mayuh projek ke pemaik rayat

    GERAN MRP: Entulu enggau Jacklyn begulai nyuaka geran MRP.
    SIBU: Mayuh bengkah projek pemansang udah dikemujur lalu diperambu perintah Barisan Nasional (BN) ungkup pemaik genap serak pupu bansa ba nengeri tu.

    Menteri ba Opis Menteri Besai, Datuk Joseph Entulu Belaun madah, projek pemansang nya dipejalai pengudah berundingka mayuh pekara dikena nentuka genap serap pupu bansa bela bulih pemaik ari pengawa nya.

    “Tang maya kitai bejalaika projek pemansang tu, nyangka bisi laun mimit lalu nya nekul pejalai projek.

    “Taja pia, perintah BN seruran bebendar ngatur projek pemansang ditu berenggat nitihka pemesai guna, “ ku iya rambau Program Transformasyen Ketuai Raban Bansa Menua Pesisir Pelilih Tatau ba   Rumah Morse Ungkak, apin lama ke udah.

    Sama bisi datai ba pengerami tu iya nya bini Entulu, Datin Jacklyn Anthony, Sekretari Politik Menteri ba Opis Menteri Besai, Adriana Chumang Nyambong, ex-Sekretari Politik Kepala Menteri, Dr. Richard Wil, Kaban Kaunsil Tingi enggau Chairman Parrti Rakyat Sarawak (PRS) Meluan, Nyempah Sabot sereta Penghulu Sylvester Salang.

    Kaban Parlimen Selangau nya mega minta semua raban bansa lebih agi ba Selangau terus besabar sereta terus nyukung polisi ke dipejalaika perintah.

    “Tu dikena nentuka piak perintah ulih mai mayuh agi pemansang ke diguna rayat, lebih agi ba kandang menua pesisir,”ku iya.

    Ba pengerami nya, Entulu mega bisi nyuaka geran projek mit pemansang menua (MRP) penyampau RM1.05 juta ngagai 56 penerima nyengkaum 56 iku chairman Gerempung Apai Indai enggau Pengajar (12), Tadika KEMAS (11), penerima Bantu Anak Selangau (11) enggau penerima Bantu Penusah Ngeyit ba Kampung Dagang enggau Pasar Baru Tatau (33).

    Iya mega madah agih belanja sepenyampau RM5,000 diberi ngagai Biru Indu Rumah Morse. Kelimpah nya, Datin Jacklyn Anthony mega bisi nyuaka bantu pelajar ngagai tiga penerima nengah Program Dermasiswa  ) Pengelantang Pendiau Bini-bini pengari rayat (BAKTI). #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads