Chara ngerejista enggau meresa BR1M lalu nyimpan utai baru ngena talipaun binching? - Berita Iban Online

Header Ads

  • Baru Nyadi

    Chara ngerejista enggau meresa BR1M lalu nyimpan utai baru ngena talipaun binching?

    Raban #BeritaIban nguji muka laman web BR1M ngena talipaun binching.
    Berita manah ngagai bala ti udah nerima bantu sereta sida ti deka minta tauka ngerejista Bantuan Rakyat 1Malaysia (BR1M)  tahun 2018. Opis Menteri Wang bisi meri jaku gerah kena ari lima, 24 November 2017 madahka "Minta / rejista enggau nyimpan utai baru BR1M 2018 ulih digaga belabuh ari 27 November - 31 Disember 2017.

    Bisi 2 bengkah chara minta / rejista enggau nyimpan utai baru BR1M 2018 ianya nengah chara Online laptop/kompita, berandau tauka online ngena talipaun binching. Laki Bini ke nerima BR1M tahun 2017 ti udah mati sereta enda bulih tauka 'Tidak Layak' maya minta ba taun nyin suba mesetika ngaga tauka ngerejista baru bagi BR1M 2018. Orang ti udah nerima BRIM, dipinta nyimpan utai baru enti nyema bisi utai ti patut sentang 'Maklumat Peribadi' baka Alamat, lumor talipaun enggau utai bukai. Enti ulih nyimpan utai baru abis nadai dalam tiga kali setaun.

    Meresa status minta / peminta BR1M 2018 klik SEMAKAN BR1M
    Ari bulan mayar BR1M 2018 – klik Pun laman web BRIM
    Saut enggau tanya sentang BR1M klik FAQ Bantuan Rakyat 1Malaysia

    Raban Berita Iban bisi nerima pesan ari bala pemacha BeritaIban.com nengah pisbuk page kami, betanyaka 'Bakani chara minta / rejista enggau nyimpan utai baru BR1M?, Ulih update ngena talipaun binching? '. Enti ulih tau kunsi enggau mensia mayuh laban tusah endar ba menua kami ditu line internet enda entu manah, Udu padam-padam. lelak amai laptop kulu-kili belama, pia ku iya.

    Lalu, enggau nya mega Raban Berita Iban ngiga trik tauka Chara ngerejista enggau meresa BR1M lalu nyimpan utai baru ngena talipaun binching. Nuan tau nunda chara ti dipantaika kami dibaruh tu:

    1. Buka laman web BR1M (https://ebr1m.hasil.gov.my/) ngena internet browser ba talipaun binching nuan.
    Chunto Laman web BR1M buka ngena talipaun binching.
    2. Tekan nuan ba tiga iti titik bediri.
    Tekan nuan ba endur ia ti segala mirah nya nunda gambar tu.
    3. Tik tauka tekan nuan ba 'Request desktop site'.
    Tekan nuan ba endur ia ti segala mirah nya nunda gambar tu.
    4. Tama baru ngagai laman web BR1M (https://ebr1m.hasil.gov.my/)
    Laman web BR1M (https://ebr1m.hasil.gov.my/)
    5. Tekan nuan 'MyBR1M'
    Tulis lumor Tingki nuan ba kutak puang nitihka dipadah ba gambarnya, lalu tekan 'LOG MASUK'.
    6. Tekan nuan 'KEMAS KINI PERMOHONAN', tu dikena nuan nyimpan utai baru.
    Tekan nuan ba endur ia ti segala mirah nya nunda gambar tu
    7. Ngaga ubah (Kemas Kini) enti nyema bisi  utai baru tauka deka diganti nuan.
    Ubah nama utai ke patut di ubah nuan.
    8. Tulis lumor 'Kod Pengesahan' ba kutak puang.
    Tulis lumor 'Kod Pengesahan' ba kutak puang, lalu tekan 'KEMAS KINI'
    9. Pengujung sekali, pemutus ari laman web BR1M.
    Nuan udah Kemaskini tauka Update BR1M.
    Nyamai udah... Munyi ku jaku bala Iban jeman tu. *Jaku tundi aja nya* 😁 Tricks enggau tips tu udah diuji tauka testing ba Raban Kami. Ngarapka semua pemacha ulih ngemaskini tauka meresa sereta ngerejista BR1M ngena chara ti dipadahka kami ba atas tu. Ti nyema nuan bulih BR1M anang ngayahka duit nuan tauka ngereja pengawa ti enda menuku. Kena bebelika barang dapur tauka melanja apai enggau indai nuan.

    Enggau awak tu mega Raban Kami deka meri 'Merry Christmas' ngagai semua bala pemacha. Ngarapka semua kitai mujur ngereja semua pengawa. Tuhan merekat semua. 😇

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads